Kapen 22 mijë rrënjë hashash. Aksionet në Devoll, Memaliaj, Lezhë dhe Lushnje

03/06/2016 00:00

Në Lushnje, Devoll, Memaliaj dhe Lezhë policia raportoi se ka gjetur dhe asgjësuar rreth 22 mijë rrënjë hashash dhe arrestoi katër persona. Sasia më e madhe u regjistrua mbrëmjen e se premtes në Lushnje, 9 mijë e 200 rrënjë.

Policia shkatërroi një serrë në fshatin Kashtë-Bardhë. Operacioni për shkatërrimin erdhi si pasojë e informacioneve të marra në rrugë operative. Pronari i tyre u shpall ne kërkim. Rrënja u shkatërrua pak ditë përpara se bima të bëhet gati për pjekjen e plotë.

Ndërkohë në Devoll, u shkatërruan rreth 9 mijë rrënjë nga të cilat 1700 ishin mbjellë në një parcelë dhe pjesa tjetër ishte në një serrë. Policia gjeti aty edhe dy armë kallashnikov të cilat përdoreshin nga kultivuesit e hashashit.

Rreth 750 rrënjë u gjetën në Mirditë dhe policia arrestoi dy persona, një nga Fieri dhe një nga Tirana, ndërsa u arrestuan edhe dy adoleshentë në Memaliaj si përgjegjës për kultivimin e dy parcelave me hashash me 2500 rrënjë gjithsej.

FOTO GALERI
1/10

Top Channel