Sejko me ambasadorët: Promovoni Shqipërinë në vendet tuaja
17/05/2016 18:10
Mbyllen aplikimet për bujqësinë/ Shtohen kërkesat e fermerëve për mbështetje në Korçë e Fier
18/04 16:00
Guvernatori Gent Sejko u ka kërkuar ambasadorëve të huaj të akredituar në Tiranë që të promovojnë Shqipërinë tek investitorët e vendeve të tyre.
Zoti Sejko i priti diplomatët në një takim të posaçëm në Bankën e Shqipërisë, ku i njohu me situatën ekonomike të vendit dhe zhvillimet e pritshme makro-ekonomike.
Ai deklaroi se Shqipëria po ecën drejt një modeli të ri zhvillimi, i orientuar drejt sektorëve prodhues, ndaj në këtë pikë roli i investimeve të huaja është mjaft i rëndësishëm.
Duke iu përgjigjur interesit të ambasadorëve, guvernatori ndau me ta pikëpamjet e tij mbi perspektivat e zhvillimit të vendit, perceptimin e realitetit ekonomik, ndikimin që do të ketë reforma në drejtësi si dhe forcimi i zbatimit të ligjit.
Ndërsa ambasadorët e vlerësuan takimin, si mjaft frytëdhënëse për të shkëmbyer ide dhe opinione mbi zhvillimin ekonomik të Shqipërisë.
Top Channel
