Reforma në drejtësi, Basha: Rëndësi ka produkti, jo koha
11/05/2016 12:35
“Drejtori aktual manipuloi listat”, Rithemelimi denoncon provimin e Magjistraturës: Kualifikoi studentët që janë prurje politike e PS 24/04 16:32
Kryetari i Partisë Demokratike, Lulzim Basha, deklaroi pas përfundimit të mbledhjes së grupit parlamentar demokrat me ambasadorin amerikan Donald Lu dhe atë të BE-së Romana Vlahutin, se, “reforma në drejtësi ka zgjatur e mund të zgjasë, pasi rëndësi ka produkti dhe jo koha”.
“Partia Demokratike është mbështetësja më e qartë dhe më e vendosur e reformës në drejtësi. Kushti i vetëm i PD-së është moskapja politike e drejtësisë. Kemi mirëkuptimin e plotë të tejkalimit të rezistencës së pushtetit që mbron korrupsionin”, tha Basha para mediave.
Kreu demokrat shtoi: “Reforma nuk është letra, por zbatimi i saj përballë oligarkisë që sot i ka vënë vetes një damkë të rëndë. Ndaj dhe ka zgjatur e mund të zgjasë, pasi rëndësi ka produkti dhe jo koha. Nuk vendos për kohën PD-ja, të shikojmë se çfarë do të bëjë pala e nervozëve. Një produkt skarco nuk të bën punë, pasi ata që gjykojnë, shohin produktin dhe jo afatin”.
Basha theksoi se “ambasadorët e gjetën dhe e lanë PD-në aspak nervoze për reformën”.
“Nervoziteti është te Edi Rama, i cili i bëri presion Gjykatës Kushtetuese”, u shpreh Lulzim Basha.
Top Channel
