Policia parandalon një vrasje në Tiranë, ndalohen 3 persona
03/04/2016 00:00
Artizanët në Elbasan/ Tradita që trashëgohet ndër breza, nismë për të promovuar të rinjtë
13/04 20:27
Forcat “Shqiponja” në bashkëpunim me shërbimet rrugore të policisë kanë arritur të parandalojnë përshkallëzimin e një konflikti me armë.
Burime nga policia kanë bërë të ditur se ndërhyrja në kohë ka bërë të neutralizohet një nga personat e përfshirë në konflik, i cili ishte i armatosur.
Sipas policisë, konflikti ka nisur rreth orës 18:30 në rrugën “Siri Kodra” midis disa personave, ku njëri prej tyre ka qenë i armatosur. Fillimisht, mësohet se ka ndërhyrë punonjësi i qarkullimit rrugor duke kërkuar edhe ndihmë nga forcat e posaçme “Shqiponja”.
Shtetasi Azumir Tuçi, 24 vjeç, banues në Tiranë është arrestuar në flagrancë, pasi iu gjet dhe sekuestrua në cilësinë e provës materiale një armë zjarri pistoletë tip “Zaztava”. Gjithashtu policia ka shoqëruar edhe dy vëllezërit F.P dhe E.P, të përfshirë në këtë konflikt.
Nga hetimet paraprake mendohet se arsyeje e konfliktit është një shumë monetare.
Top Channel
