INSTAT: Rritje të prodhimit vendas të energjisë në 2015
23/03/2016 13:50
“Forbes” përzgjedh Shqipërinë në listën e vendeve të paprekura nga turizmi masiv, nga fermat te shtigje e rafting, ja itinerari që sugjeron 23/04 11:01
2015 duket se ka qënë i mbarë për situatën e prodhimit të energjisë në vend. Instituti i Statistikave publikoi bilancin e energjisë elektrike për vitin që shkoi, ku prodhimi vendas rezulton me një rritje prej 24,1 përqind krahasuar me 2014.
Kjo i dedikohet situatës së mirë hidrike në kaskadën e Drinit, që ka çuar në rritjen e eksporteve dhe uljen e importeve .
Kështu importi bruto i energjisë elektrike ra 29,8 për qind, kurse eksportet u rritën me mbi 2 herë.
Sipas INSTAT-it, 3/4 e energjisë prodhohet nga hidrocentralet vendase dhe 1/4 nga subjektet private.
Vitin që shkoi, konsumi i energjisë elektrike nga familjarët u rrit me 0,8 për qind dhe për jofamiljarët u rrit me 1,5 për qind, krahasuar me vitin 2014.
Bilanci i energjisë elektrike është botim 6 mujori i INSTAT dhe mbledh të dhënat nga KESH, OSHEE dhe OST.
Top Channel
