Londra në gatishmëri, frikë nga sulmet terroriste
20/03/2016 00:00
“Modeles së revistës Playboy…”, dëshmia e botuesit në gjyqin ndaj ish-presidentit amerikan: U përpoqa të ndihmoja Trump të fitonte zgjedhjet në vitin 2016 27/04 07:14
Sipas shtypit britanik, Forcat Speciale Britanike, njësi të Policisë Metropolitane, madje edhe një regjiment i ushtrisë, janë vënë në gatishmëri për të përballuar deri në dhjetë sulme terroriste të njëkohshme, të ngjashme me ato të Parisit, katër muaj më parë.
Shefat e sigurisë britanike i frikësohen sulmeve të ngjashme me ato të Parisit nga terroristët e rikthyer nga Siria.
Sipas “The Sunday Times” të Londrës, një regjiment i ushtrisë është në gatishmëri në Oksford, duke bashkëpunuar me njësinë e çmontimit të bombave kimike dhe biologjike. Forcat Speciale janë duke zhvilluar manovra për të reaguar në rastet e mjeteve shpërthyese të improvizuara.
Për të penguar një sulm të ngjashëm terrorist, si ai në Paris, mësohet se edhe Agjencia Kombëtare e Luftës Kundër Krimit, ka nisur një ofensivë për asgjësimin e armëve të zjarrit.
Ky lajm konfirmohet pas arrestimit në Bruksel, ditët e fundit të të dyshuarit tjetër për sulmet terroriste në Paris, katër muaj më parë ku humbën jetën 130 persona.
Mendohet se puna e Shërbimeve Sekrete britanike qëndron në një masë të madhe pas suksesit të eliminimit të sulmeve dhe komploteve të shumta terroriste në Britani gjatë viteve të fundit.
Top Channel
