FMN, mision në Tiranë; takime me autoritetet për financat e vendit
09/03/2016 13:15
AADF 15 vjet në Shqipëri, 80 projekte me vlerë mbi 120 milionë euro të investuara/ Granoff: Ndryshime pozitive në vend 15/05 14:55
Një mision i Fondit Monetar Ndërkombëtar, i kryesuar nga shefja për Shqipërinë Anita Tuladhar, po zhvillon një vizitë në Tiranë.
Kështu, paraditen e kësaj të mërkure përfaqësuesit e misionit kanë qenë në Ministrinë e Financave, ku janë takuar me kreun e këtij dikasteri, Arben Ahmetaj.
Mësohet se misioni i FMN-së do të qëndrojë në vend 2 javë, kohë gjatë së cilës do të zhvillojë takime me autoritete të shumta, për të analizuar gjendjen e financave publike, zhvillimet makro-ekonomike dhe situatën fiskale.
Në axhendën e takimeve është edhe një kokë më kokë me guvernatorin e Bankës së Shqipërisë, Gent Sejko.
Vizita e misionit të FMN-së vjen pas miratimit të këstit të radhës të kredisë që bordi i Fondit miratoi për qeverinë shqiptare, duke i hapur rrugë disbursimit të 72.4 milionë eurove dhe duke i çuar pagesat totale në rreth 226,8 milionë euro.
Top Channel
