Bulqizë, sekuestrohet lënda drusore kontrabandë
16/07/2015 00:00
Rama urim për të gjithë besimtarët ortodoksë: Gëzuar… 05/05 08:08
Efektivë të policisë së komisariatit të Bulqizës, në bashkëpunim me kolegët e Drejtorisë së Shërbimit Pyjor kanë bllokuar mbrëmjen e së mërkurës dy automjete me lëndë drusore në Ternovë, të komunës Zerqan.
Burime policore sqaruan se dy makinat e tonazhit të rëndë po transportonin dru të prerë në zonën pyjore të fshatit dhe po e trasportonin atë drejt qytetit të Bulqizës për ta shitur.
Dy makinat janë sekuestruar bashkë me ngarkesën dhe aktualisht ndodhen në komisariatin e Bulqizës për hetime të mëtejshme.
Policia lokale bën me dije se ky është rasti i katërt në dhjetë ditët e fundit që kapen makina me lëndë drusore.
Ndërkohë, kontrollet vijojnë në të gjithë territorin e rrethit të Bulqizës për të parandaluar dhe bllokuar prerjet e paligjshme në pyje.
Top Channel
