Basha pret Kotzias: Të shfuqizohet Ligji i Luftës
15/07/2015 00:00
Dita e balonave/ Elbasan, fëmijët e kopshteve mbushin qiellin me balonat plot me ngjyra
20/04 14:10
Pas takimeve që pati me Bushatin, Metën dhe kryeministrin Rama, ministri i Jashtëm grek, Nikolaos Kotzias u prit edhe nga kryetari i Partisë Demokratike, Lulzim Basha.
Në deklaratën e lëshuar nga PD-ja në lidhje me takimin thuhet se Basha theksoi rëndësinë e abrogimit të Ligjit të Luftës, “pasi përbën një pengesë juridike për shqiptarët që kanë dhe duan të kërkojnë të drejtat e pronësisë në Greqi”.
Kreu i PD, në bisedën me ministrin e Jashtëm grek, Kotzias, tha se duhet vullnet dhe reciprocitet për të kapërcyer çështjet e mbetura pezull dhe për të çliruar mundësitë e mëdha dhe energjitë ende të pashfrytëzuara që ekzistojnë mes dy vendeve.
“Basha e siguroi ministrin grek se Partia Demokratike do të mbetet vazhdimisht një mbështetëse e palëkundur e marrëdhënieve të mira me Greqinë dhe promotore e thellimit të tyre të mëtejshëm”, thuhet më tej në deklaratë.
Top Channel
Top Channel/Rithemelimi denoncon provimin e Magjistraturës: Kualifikoi studentët që janë prurje e PS
Top Channel/ Shkuan për peshkim, por u përballën me dallgë të larta, shpëtohen dy burrat në Shëngjin
