Një pastor anglez ka thënë se fëmijët që vishen për Halloween si shtriga ose si djaj janë më të këqinj se nazistët ose terroristët. Pastori Chris Briggs i Kishës Metodiste në Dorset të Anglisë nënvizoi se prindërit nuk lejojnë fëmijët e tyre të shkojnë derë më derë të veshur si Hitleri apo luftëtarët e ISIS-it, por nuk e kanë problem t’i lënë ata të vishen si djaj dhe shtriga.
Në blogun e tij lexohet: “Jam dakord me ata prindër që nuk lënë fëmijët të maskohen si nazistë ose si terroristë. Nga ana tjetër, po këta prindër i veshin vetë fëmijët si shtriga apo djaj, gjëra që përfaqësojnë një ligësi shumë më të madhe.”
Pastori shtoi se të krishterët nuk duhet ta festojnë fare Halloween-in pasi shoqëria do të ishte më mirë pa të.
“Në këtë periudhë të vitit lulëzon biznesi dhe shitjet e sharrave me gjak. Sa bukur është kur sheh një 6-vjeçar që mban diçka të tillë në dorë”, shkruan me ironi pastori anglez.
Top Channel
