Të shpëtosh 7 jetë pas vdekjes
29/10/2014 00:00
Si të shpëtoni një marrëdhënie që po shkon drejt fundit? Terapistët zbulojnë shenjat dhe mënyrat për ta rindërtuar 27/09 18:27
Skema e ngjyrave
Madhësia e shkrimit
Më shumë se 100 000 burra, gra dhe fëmijë kanë nevojë të shpëtohen nëpërmjet transplantit të organeve. Përafërsisht çdo 5 minuta, një person i shtohet listës së atyre që kanë nevojë për transplant organesh.
Por, cilat organe mund të dhurohen falë zhvillimit shkencor dhe të teknologjisë?
Mjekja nefrologe Fjona Nasto përgjigjet: “Cdo organ mund të dhurohet kur bëhet fjalë për donatorë kadaverikë. Të gjithë ata që dëshirojnë të dhurojnë, pajisen me karta të posaçme për dhurim dhe kryejnë “check-up”-e të rregullta çdo 6 muaj për të parë gjendjen e organeve të tyre. Nëse dikush është bartës i një sëmundjeje të caktuar, nuk mund të dhurojë. Në Shqipëri nuk kemi struktura për të kryer transplante.”
Një organ dhurues shpëton deri në 7 jetë duke dhënë zemrën, veshkën, mëlçinë, mushkëritë, pankreasin, zorrët dhe timusin pas vdekjes.
Gjithashtu, mund të përmirësojë cilësinë e shumë të tjerëve duke dhuruar lëkurën, kornean e syrit, indet e kockave etj.
Cila është koha e mjaftueshme që organet mund të përdoren pasi personi ka ndërruar jetë?
“Në varësi të arsyes së vdekjes, koha shkon nga 6-24 orë. Brenda këtij afati kohor duhet bërë marrja e organeve për transplant dhe vendosja tek pacienti i ri”, shpjegon mjekja.
Spanja ka numrin më të lartë të donatorëve të organeve në botë që shkon rreth 36 të tillë për milion, ndërsa Shtetet e Bashkuara të Amerikës kanë 26 dhurues për milion. Shumë vende duan të ndjekin modelin e Spanjës për të rritur numrin e dhuruesve të organeve.
Top Channel
