Lajmet e mira të javës

Ai është i apasionuar pas historisë dhe simboleve kombëtare shqiptare, e madje edhe dhuratat i kërkon më këto elemente. Ermando jeton me gjyshërit, shkon në shkollë dhe ka filluar të mësojë shqip.

***
Një grabitje në ishullin amerikan të Guamit përfundoi në mënyrë krejt të pazakontë, pasi grabitësi përqafoi viktimën dhe i kërkoi ndjesë për agresionin.

Një burrë i maskuar hyri brenda me një pistoletë dhe kërcënoi klientët e një salle lojrash, duke i urdhëruar të shtriheshin në tokë e t’i jepnin paratë, pasi në të kundërt do t’i qëllonte.

Një vajzë, e cila ishte në shoqërinë e të fejuarit, e terrorizuar ndoqi urdhrat e tij duke i dorëzuar edhe patentën dhe dokumentet që mbante me vete. Pas kësaj, grabitësi i ktheu disa dollarë vajzës, e cila e shokuar belbëzonte se nuk kishte më parà, as për të bërë patenën.

Në videon e sigurisë shikohet teksa grabitësi përqafon vajzën dhe të fejuarin e saj, duke iu thënë: “Më vjen keq, nuk kam zgjidhje tjetër. Askush nuk më merr në punë. Më vjen keq që iu qëlloi juve”.

***
Një grup zjarrfikësish në Shtetet e Bashkuara të Amerikëskanë bërë një akt bamirësie përtej detyrës së tyre. Një telefonatë në shërbimin e urgjencës, ishte një e moshuar që kërkonte ndihmë, sepse ishte rrëzuar në oborrin e saj. Pak ditë më vonë, grupi i zjarrfikësve shkoi dhe rregulloi mjedisin e shtëpisë, pasi shkurret e pengonin të lëvizte të moshuarën.

Top Channel