Rama në Kazakistan për të ftuar investitorët

Këto mjaftojnë që Kazakistani të jetë një nga vendet më të lakmuara për bashkëpunim ekonomik. Ky është edhe qëllimi i vizitës zyrtare të kryeministrit Edi rRama në Astana, ku ra në sy edhe prania e zëvendëskryeministrit të Kosovës, Bexhet Pacolli.

Presidenti Nursultan Nazarbayev, i cili e mban këtë detyrë që prej vitit 1991, i konfirmoi kryeministrit Rama se ai do të vizitojë së shpejti Shqipërinë, bashkë me një grup sipërmarrësish kazakë, të interesuar për të investuar në Shqipëri.

Presidenti Nazarbayev beson se qeveria e re shqiptare ofron një mundesi të re për të forcuar bashkëpunimin mes dy vendeve. Për kryeministrin Rama, falë reformave ekonomike, Shqipëria është e gatshme të mirëpresë investitorët kazakë dhe t’u krijojë atyre lehtësitë e duhura për të investuar në turizëm, infrastrukturë dhe fushën e hidrokarbureve të naftës dhe gazit, ku Kazakistani është një ndër prodhuesit më të mëdhenj në botë.

Një bazë bashkëpunimi u vendos që gjatë kësaj vizite në Astana, kur kryeministri i Shqipërisë dhe ai i Kazakistanit, Karim Massimov, pas një takimi kokë më kokë firmosën edhe një marrëveshje për thellimin e bashkëpunimit mes dy vendeve.

Një nga projektet më të rëndësishme të diskutuara gjatë vizitës së delegacionit shqiptar në Kazakistan ishte ndërtimi i një sistemi hekurudhor modern, që mundëson lidhjen mes porteve shqiptare dhe rrjetit hekurudhor evropian e aziatik. Investitorët kazakë janë sot ndër më të fuqishmit në Europë, me një vëllim investimesh prej 26 miliardë dollarësh.

Top Channel