Padi penale për pompat e Tales
14/04/2014 00:00
Artizani që nuk pushon kurrë! Josif Muça 82 vjeç, ende bën punime druri: Puna është jetë!
13/04 12:45
Ministria e Bujqësisë ka bërë një kallëzim penal për ish-kreun e Bordit të Kullimit Lezhë, Luigj Frangaj.
Ai akuzohet për nxjerrjen nga përdorimi dhe shitjen për skrap të pjesëve të elektropompës me fuqi 440 Kilovat, me vlerë totale rreth 1 milion lekë e që ishte vendosur në hidrovorin e Tales.
Nga auditimi i bërë së fundmi nga Ministria e Bujqësisë u konstatuan shkelje në veprimet e kryera nga ish-titullari i këtij institucioni, duke sjellë dëmtime të rënda në funksionimin e Hidrovorit të Tales dhe duke shkaktuar një rrezik potencial për përmbytje të zonës së Lezhës në kohën e reshjeve.
Gjithësesi, Ministria e Bujqësisë ka marrë të gjitha masat që në hyrje të sezonit dimëror të reshjeve, për të venë në funksion dhe kapacitet të plotë hidrovorin e Tales në Lezhë.
Top Channel
