Rusia nuk pranoi të tërhiqet përballë sanksioneve amerikane dhe
europiane të vendosura per me aneksimin e Krimesë, perkundrazi, i ka
përshkallëzuar veprimet e saj duke kanë shkaktuar shqetësim sidomos ne
radhet e vendeve fqinje.
Para syve të trupave ukrainase, forcat paraushtarake pro-ruse shpërthyen dyert e komandës së marinës ukrainase ne gadishullin rusisht-foles, ku ngriten flamurin e moskes e ndryshuan masat e sigurise. Nga Washingtoni, Sekretari i Përgjithshëm i NATO-s Anders Fogh Rasmussen, e cilësoi agresionin rus një thirrje për zgjim.
“Ky është kërcënimi më i rëndë ndaj sigurisë dhe stabilitetit europian që nga përfundimi i Luftës së Ftohtë. Rusia po tregohet nje vend arrogant. NATO-ja është e hapur për dialog, por siguria e vendeve anëtare mbetet parësore. Aleanca e Atlantikut Verior nuk është lëkundur dhe nuk do të lëkundet”, tha Rasmussen.
Këtë mesazh, thote Zeri i Amerikes, përsëriti edhe zevendespresidenti Joe Biden në Lituani, para fqinjëve të tronditur në rajonin e Balltikut. sulmi ndaj Moskes vazhdoi ne planin diplomatik me deklaratat e ashpra te ambasadores amerikane ne OKB, Samantha Poëer, e cila e akuzoi hapur Rusine se po riharton kufijtë.
Një zëdhënës i Shtëpisë së Bardhë paralajmëroi te merkuren se sanksionet ekzistuese dhe masat e reja ne planifikim do të garantojnë qe Moska ta paguajë shtrenjtë. kercenimet e perendimit kane rene megjithate ne vesh te shurdher. Gjykata kushtetuese e rusise miratoi ligjin që i jep Presidentit Putin autoritetin të përfundojë aktet e fundit të aneksimit të Krimesë, ndersa ligjevenesit i cilesuan sanksionet nje gjest te vogel hakmarrjeje, i cili nuk do te arrije te permbushe asgje.
Top Channel
