Krimea, pushtim pa luftë

Dy baza ushtarake ukrainase janë braktisur dhe admirali më i lartë në Krime vendosi një video në YouTube ku betohej për besnikëri ndaj udhëheqësit separatist të këtij rajoni.

Trupat ruse qendrojne perkrah grupeve lokale te vetembrojtjes e u kerkojne ushtareve ukrainas te dezertojne nga Kievi ne favor te autoriteteve te reja proruse te gadishullit. Qendrat detare mbeten te bllokuara, objekte te rendesishme si aeroportet jane te pushtuara; mijera trupat elite te porsamberritura nga Rusia e kapercejne pranine ushtarake te Ukraines ne rajon.

Krimea eshte praktikisht e shkeputur nga pjesa tjeter e vendit me postblloqe dhe automjeteve nga jashte u ndalohet hyrja. 

Ushtaret ruse i zune nje dite me pare pozicionet strategjike ne gadishull. Në përgjigje të dislokimit të tyre, Kievi urdheroi 1 milion rezervistëve te paraqiten ne detyre. Jemi ne buze te katastrofes, pohoi Kryeministri i ri ukrainas Arseni Jatsenuk mes shkallezimit te skajshem te tensioneve qe rrisin friken e nje shperthimi te konfliktit.

Rrethimin e aeroporteve e bazave ushtarake si dhe hapjen e llogoreve nga forcat ruse për të kontrolluar autostradën e vetme që lidh pjesën tjetër të Ukrainës me Krimenë, Jatsenuk e pershkroi si deklarate lufte. kreret ushtarake ukrainas ne rajon thane se Moska po u ofron pasaporta ruse oficereve ne Krime.

Sondazhet e fundit te opinionit në Rusi tregojnë se shumica e popullsise beson qe gadishulli kryesisht rusisht-foles duhet duhet t’i përkasë Rusisë. Agjencite e lajmeve atje njoftojne planifikimin e nje referendumi ne 30 mars për t’u dhënë votuesve mundësinë të zgjedhin pavarësinë e Krimesë, vazhdimin e statusit të autonomisë apo aneksimin nga Rusia.

Ukraina mobilizon ushtrinë

Ukraina shpalli mobilizimin e përgjithshëm të të gjithë rezervistëve të
saj ditën e dielë pasi Parlamenti Rus aprovoi kërkesën e presidentit Putin për të
vendosur trupa në vend.

Aktualisht, Rusia ka praktikisht nën kontroll të gjithë krahinën e Krimesë së banuar me shumicë nga rusë etnikë, por kërkesa e presidentit Putin përfshinte të gjithë vendin.

Të paktën 15 mijë trupa ruse janë fluturuar drejt Sevastopolit në Krime, ndërsa ushtria po grumbullohet pranë kufijve ukrainas, gati për të nisur pushtimin, duke detyruar Kievin që të mobilizojë përveç ushtrisë së rregullt edhe 1 milionë rezervistë.

Në mesditën e së dielës, Kievi i drejtoi nje thirrje zyrtare SHBA-se dhe Britanise se Madhe per ndihme. Uashingtoni dhe Londra kane perseritur disa here mbeshtetjen per Ukrainen deri me tani, por duke u treguar te kujdesshem per te mos u angazhuar shprehimisht ne mbeshtetje ushtarake.

Në një deklaratë të publikuar në mesditë, kryeministri i Ukrainës,
Yatsenyuk tha: “Praktikisht, vendit tim i është deklaruar luftë. I
kërkojmë Putinit që të tërheqë urgjentisht trupat dhe të zbatojë
marrëveshjet dypalëshe. Nëse ai do të jetë presidenti që nisi një luftë
midis dy vendeve fqinje dhe mike, ndodhet vetëm disa centimetra nga
objektivi i tij”.

Nëse Rusia do të shkelë kufijtë, besohet që Ukraina mund të shpallë
mobilizimin e të gjithë meshkujve të aftë për të mbajtur armë, për të
luftuar për mbrojtjen e vendit.

Trupat ruse ne Krime

Normal
0

false
false
false

EN-US
X-NONE
X-NONE

MicrosoftInternetExplorer4

Në shpalljen e vendimit të mobilizimit, Andriy Parubiy, kreu i Këshillit Kombëtar të Sigurisë dhe Mbrojtjes në Ukrainë theksoi se trupat janë vendosur tashmë në gatishmëri të plotë luftarake.

Presidenti i vendit, Olexander Turchynov ka paralajmëruar se fillimi i një lufte do të “sillte fundin e çdo marrëdhënie dypalëshe me Rusinë”.

Ai shprehu bindjen që Ukraina është në gjendje të mbrojë veten e saj, ndërsa në një thirrje adresuar kombit bëri thirrje për unitet në këtë “orë krize”.

Protestues pro-europiane ne Kiev

Presidenti Obama zhvilloi ditën e shtunë një bisedë telefonike 90 minutëshe me homologun Putin, në të cilin i kërkoi në mënyrë të përsëritur që të respektojë integritetin territorial të Ukrainës dhe të tërheqë trupat aktuale nga Krimeja.

Presidenti Putin, nga ana e tij theksoi se Rusia rezervon të drejtën të ndërhyjë në Ukrainë për të mbrojtur interesat e rusëve etnikë dhe rusishtfolësve në të gjithë vendin.

Dezerton kreu i Marinës së Ukrainës
Admirali Berezovski shfaqet në krah të udhëheqësit të sapoemëruar të Krimesë

Kreu i Marinës së Ukrainës, i caktuar në këtë detyrë një ditë më parë, dezertoi në favor të udhëheqësit të Krimesë.

Admirali Denis Berezovski u shfaq përpara kamerave përkrah udhëheqësit të Krimesë, Sergej Aksionov, udhëheqës pro-rus, i zgjedhur nga parlamenti i rajonit.

Aksionov tha se “ai i kishte dhënë urdhra forcave detare të Ukrainës, në gadishull, të shpërfillnin çdo komandë nga autoritetet e vetëshpallura të Kievit”, siç i quajti ai.

“E diela, – tha ai – do të hyjë në histori, si ditëlindja e Marinës së Republikës Autonome të Krimesë”.

Më pas, Admirali Berezovski u zotua se “do t’i bindej përpikmërisht urdhrave të komandantit suprem të Republikës së Krimesë dhe të mbrojë jetën dhe lirinë e popullit të këtij rajoni”.

Në Krime, ushtarët e Ukrainës u përballën me ushtarët rus, që rrethonin bazat e tyre të dielën, ndërsa ushtarët rusë – siç raportoi BBC – kanë nisur ngritjen e barrikadave në kufirin e Krimesë.

Ilir Meta, letër homologut ukrainas, Turchynov
“Ndjekim me shqetësim situatën dhe kërcënimin që iu kanoset”

Situata e tensionuar dhe përgatitjet në prag lufte mes Ukrainës e Rusisë nuk kanë mbetur jashtë vëmendjes as të kreut të Kuvendit të Shqipërisë, Ilir Meta, i cili i ka shkruar një letër homologut ukrainas, njëkohësisht edhe president i përkohshëm, Oleksandr Turchynov.

Në letër, kryeparlamentari i Shqipërisë i ka shprehur solidaritetin e pakursyer në përballimin e sfidave, që i kanë dalë përpara Ukrainës dhe qeverisë së re të përkohshme, pas rrëzimit të ish-presidentit Viktor Yanukovych.

Ilir Meta ka theksuar mbështetjen e integritetit territorial ukrainas si dhe të të gjithë qytetarëve të Ukrainës, pavarësisht përkatësive etnike.

“Ndjekim me shqetësim situatën dhe kërcënimin që i kanoset Ukrainës, por shpresojmë në angazhimin e të gjitha palëve për të zgjidhur problematikën nëpërmjet dialogut dhe jo nëpërmjet përdorimit të Forcave të Armatosura të të dy vendeve të përfshira, apo më gjerë”, është shprehur kryetari i Parlamentit shqiptar.

Tensioni brenda Ukrainas, manifestime pro dhe anti-ruse

Ushtria ukrainase është në gjendje gatishmërie të lartë, pas miratimit nga Duma për dërgimin e trupave ruse ne Krime.

Presidenti në detyrë, Oleksander Turchynov tha se do të shtohen masat e sigurisë në godinat kryesore, përfshirë edhe impiantet bërthamore.

Kryeministri i ri, Arsenji Jacenjuk paralajmeroi se “veprimet e ushtrise nga Moska do te shenonin fillimin e luftes dhe fundin e marredhenieve”.

Armet dhe Zoti

Tensioni po rritet jo vetem në Krime, por edhe në zonat ku jetojnë ruse etnike. U zhvilluan disa mitingje pro-ruse ne disa qytete te Ukraines te shtinen. Ne Donetsk, i konsideruar si bastioni i ish-presidentit Viktor Janukovych, disa protestues u shkëputën nga një turmë me 7000 persona për të marrë nën kontroll ndertesën e administrates lokale dhe për të ngritur aty flamurin rus.

Në Kharkiv, qyteti i dyte për nga madhësia në Ukrainë, dhjetera persona u plagosen ne perleshjet mes protestuesve pro dhe kunder Rusisë.

Në qytetin juglindor te Marupolit, qindra protestues me flamujt rus u mblodhen jashte bashkisë.

Ruse etnike kerkojne bashkimin me Rusine ne Simferopol, Krime

Pavarësisht zhvillimeve politike, të shtunën, vëzhguesit kanë parë një shtim të pranisë ushtarake ruse ne Krime.

Sipas raportimeve te fundit, dy lufteanije janë parë në brigjet e Krimese, duke shkelur marreveshjen e pranisë se Flotes Ruse ne gadishull.

Flamuri rus valevitet nga dita e enjte mbi godinen e Parlamentit te Krimese, krahine autonome me shumice ruse brenda Ukraines

Rreth 6 000 ushtare ruse dhe 30 autoblinda ndodhen aktualisht në Krime. Udheheqesi i sapozgjedhur i Krimes, pro-rusi, Sergei Aksionov i kerkoi ndihme presidentit Putin per te garantuar paqen ne gadishull.

Qeveria aktuale e Ukraines nuk e njeh as ate dhe as qeverine e tij dhe te shtunen permes nje dekreti e cilesoi zgjedhjen e tyre nga parlamenti rajonal, krejtesisht te paligjshme.

Obama-Putin, 90 minuta në telefon

Gjatë një bisede telefonike që zgjati 90 minuta, presidenti amerikan, Barak Obama i tha homologut rus, Vladimir Putin se Rusia ka shkelur ligjet ndërkombëtare duke dërguar trupa në Ukrainë.

Shefi i Shtëpisë së Bardhë i kërkoi atij që ushtarët rusë të tërhiqen menjeherë drejt bazave në Krime.

Nderkohe ne Kiev, trupat ushtarake patrullojne rruget

Përmes njoftimit të Shtëpisë së Bardhë mesohet se presidenti amerikan i ka thënë atij rus se “mënyra për të adresuar çdo shqetesim duhet të jetë paqesore përmes angazhimit të drejtpërdrejte me qeverinë ukrainase dhe organizmat ndërkombëtare”.

Nje mbeshtetes i qeverise Ukrainase debaton me nje efektiv policie

Sipas Kremlinit, Putin i është përgjigjur Obamës se “Moska ruan të drejtën për të mbrojtur interesat e saj dhe të popullsisë rusisht-folëse në Ukrainë”.

Në kohën kur përpjekjet diplomatike po shtohen për t’i gjetur një zgjidhje situatës tejet të vështirë të krijuar në Ukrainë, Sekretari Amerikan i Shtetit, John Kerry u telefonoi ministrave te Jashtem nga Europa, kryediplomatit kanadez, shefes së politikës së jashtme të Bashkimit Europian, Catherine Ashtonn dhe të dërguarit të Japonisë në SHBA, për të koordinuar hapat e metejshem.

Ne
foto, marre nga “BBC”, rajoni i Krimese ne harten e Ukraines dhe
poshte, godina e parlamentit, e pushtuar nga ruset etnike ne kryeqendren
rajonale te Simferopolit

Sekretari i Përgjithshëm i Kombeve të Bashkuara, Ban Ki-Moon bëri thirrje për kthimin e menjehershem te qetesise dhe dialogut ne Ukraine, ndersa shefi i NATO-s, Anders Fog Rasmusen shkruajti ne “Tëiter”: “Nevoje urgjente per te ulur tensionet ne Krime”. 

Diten
e enjte, mbeshtetes te qeverise Ukrainase dhe separatiste ruse u
perleshen midis tyre ne rruget e Simferopolit, kryeqendres rajonale te
Krimese

Këshilli i Sigurimit zhvilloi një mbledhje urgjente për krizën, të shtunën ndersa te dielen NATO do te kete nje seance te vecante per situaten ne Ukraine.

Ballë për ballë. Disa të dhëna për forcën e ushtrive ruse dhe ukrainase

Numri i forcave tokësore aktive
Ukraina: 57 mijë
Rusia: 395 mijë

Forcat ajrore (personeli)
Ukraina: 41 mijë
Rusia: 160 mijë

Flota detare (personeli)
Ukraina: 15 mijë
Rusia: 133 mijë

Të aftë për të mbajtur armë
Ukraina: 11,1 milionë banorë
Rusia: 69,1 milionë banorë

Tanke
Ukraina: 642
Rusia: 12 500

Mjete të blinduara
Ukraina: 2 065
Rusia: Mbi 16 mijë

Helikopterë
Ukraina: 72
Rusia: Mbi 840

Gjuajtës
Ukraina: 210
Rusia: Mbi 1 800

Bombardues
Ukraina: 36
Rusia: 177

Raketa (balistike)
Ukraina: 716
Rusia: Mbi 5 700

Raketa me mbushje bërthamore
Ukraina: 0
Rusia: Në gatishmëri 350, në rezervë mbi 10 mijë (me reze të ndryshme veprimi)

Nje protestues me flamurin rus ne nje tank sovjetik, relike e Luftes se Dyte Boterore

Top Channel