Avioni i Manchester United rrezikon përplasjen

“Airbus A321” u urdhërua që të fitonte urgjentishtë kuotë kur ndodhej fare pranë pistës, në një lartësi prej vetëm 400 metrash nga toka, informoi të mërkurën “Daily Mail”.

Arsyeja e këtij urdhëri të ardhur nga kontrollorët lidhet me faktin që një tjetër avion ndodhej në pistë në atë moment.

Nuk është e qartë nëse zënia e pistës nga një aeroplan tjetër lidhet me një gabim njerëzor apo me ndonjë mosfunksionim të sistemit të sigurisë në Këln.

Megjithatë, ajo që mbetet fakt është që pilotët e “A321” të United realizuan një manovër aspak komode për pasagjerët, duke ngritur me shpejtësi avioni e tyre.

Ulja në aeroport u realizua me sukses në një tentativë të dytë, në një diferencë kohore prej 15 minutash.

Llogaria e kapitenit te United, Rio Ferdinand ne “Twitter”: “U ulem ne Gjermani…. sapo…. sapo u rikuperova nga ajo ulje e veshtire”

Në vitin 1958, në një nisje nga aeroporti i Mynihut, aeroplani që transportonte ekipin e Manchester United nga një transfertë e Kupës së Kampioneve në Jugosllavi u përplas në tokë dhe pjesa më e madhe e një brezi të artë futbollistësh humbën jetën.

United do të rikthehej një fuqi në futbollin britanik dhe atë europian vetëm pas një dekade, duke u shpallur kampion europe në vitin 1968.

Top Channel