McLaren ka nisur sulmin për të shkëputur Fernando Alonson nga Ferrari. Ky është lajmi që publikon BBC, sipas së cilës piloti spanjoll është objektivi numër 1 i skuderisë britanike.
Në Angli shkruajnë se historia e dashurisë mes Alonsos dhe Ferrarit ka përfunduar tashmë, por është kontrata që skadon në vitin 2016 ajo që e bën të vështirë rikthimin e dy herë kampionit të Botës tek McLaren.
Ja çfarë thotë Martin Whitmarsh: “Cdo skuadër do e donte Alonson pasi është piloti më i mirë në qarkullim, por ka një kontratë.”
Fernando Alonso ka qenë me McLaren në vitin 2007 dhe humbi titullin kampion pas një “lufte në familje” me Hamilton vetëm për 1 pikë në dëm të Kimi Raikkonen, atëherë me Ferrari.
Gjithsesi, BBC saktëson se Alonso mund të bashkohet sërish me McLaren jo para vitit 2015.
Top Channel