10 “baby-miliarderët” e botës

03/09/2013 00:00

Në botë jetojnë 1.426 miliarderë, por vetëm 29 prej tyre janë më pak se 40 vjeç.

Në top-listën e “baby-miliarderëve” janë dy themeluesit e Google, Larry Page dhe Sergey Brin, dhe tre nga katër ideatorët e Facebook, Mark Zuckerberg, Eduardo Saverin dhe Dustin Moskovitz.

Ja dhe renditja e 10 miliarderëve:

Larry Page. Bashkëthemelues dhe njëkohësisht administrator i deleguar i Google, ka një pasuri prej 17.4 miliardë eurosh.

Sergey Brin. Në vend të dytë pozicionohet Sergey Brin, bashkëthemelues i motorit të kërkimit që ka një pasuri prej 17.2 miliardë eurosh. Në ditët e fundit emri i 39-vjeçarit ka zaptuar faqet e para të gazetave për shkak të fundit të marrëdhënies me bashkëshorten e tij Anne Wojcicki, me të cilën ka dy fëmijë.

Mark Zuckerberg. Në vendin më të ulët të podiumit vendoset Mark Zuckerberg, administrator i deleguar i Facebook. 28-vjeçari vendosi të kuotonte në bursë “krijesën” e tij në maj 2012 dhe sot ka një pasuri prej 10 miliardë eurosh.

Alejandro Santo Domingo Davalia. I biri i manjatit të birrës Julio Mario Santo Domingo, 37-vjeçari është administrator i Quadrant Capital Advisors, anëtar i këshillit administrativ të ‘Metropolitan Museum of Art’ në New Jork dhe ka një pasuri prej 8.8 miliardë euro.

Gruaja e parë në top-ten është kinezja Hylyan Yang, e pesta në klasifikimin e përgjithshëm. E bija e themeluesit të perandorisë imobiliare Country Garden Holdings, 31-vjeçarja ka një pasuri prej 4.3 miliardë eurosh.

Në vendin e gjashtë gjejmë Scott Duncan, i biri i Dan Duncan, themelues i “Enterprise Products Partners”, lideri amerikano-verior i shërbimeve energjitike për prodhuesit dhe konsumatorët e gazit natyror, naftës së papërpunuar, produkteve të rafinuara dhe petrolkimikës. 30-vjeçari ka një pasuri prej 3.5 miliardë dollarë.

Vendi i shtatë shkon për amerikanin Dustin Moskovitz, një nga themeluesit e Facebook që gëzon 7.7 për qind të aksioneve të rrjetit social më të famshëm në botë. 28-vjeçari ka një pasuri prej 2.8 miliardë dollarë.

Në vendin e tetë është John Arnold, 38-vjeçari amerikan që pas një kariere të suksesshme si menaxher, në maj 2012 vendosi të braktisë çdo aktivitet për t’iu përkushtuar filantropisë. Pasuria e tij është 2.11 miliardë euro.

E nënta është Yvonne Bauer, sipërmarrëse gjermane që zotëron 85 për qind të “Bauer Media Group”, kolos mediatik që publikon 570 revista në 16 vende të botës. Pasuria e 35-vjeçares: 1.81 miliardë euro.

E mbyll listën Eduardo Saverin, një tjetër themelues i Facebook dhe ish-shoku i ngushtë i Zuckerberg. 30-vjeçari sot jeton në Singapor, investon në start-up dhe ka një pasuri prej 1.66 miliardë eurosh.

Top Channel