Kukësi prek historinë, 2-0 Met. Donetsk

Kuksianët shënuan nga një herë për secilën pjesë loje. Në minutën e gjashtë të takimit, Malakarne ndëshkon ukrainasit duke kaluar Kukësin në avantazh. Miqtë u përpoqën në minutat e mbetura të shkojnë në dhomat e zhveshjes me golin e barazimit, por falë pritjeve të portierit Halili dhe lojës së kujdesshme në mbrojtje, rrjeta e skuadrës sonë mbeti e paprekur.

Në pjesën e dytë trajneri i Metalurg vendos të hedhë 3 sulmues në lojë, duke lënë më shumë hapësira pas, e më shumë shanse për golin e dytë të Kukësit me zbritje të shpejta. Gjërat lehtësohen akoma më shumë për kuksianët në minutën e 69-të të takimit kur Morozyuk mori kartonin e dytë të verdhë dhe la Metalurg me 10 lojtarë në fushë.

Në minutën e 84 Malota shënon një supergol, një gol që dyfishon shanset e Kukësit për të bërë historinë e për të kaluar raundin e tretë të Kupës UEFA, si asnjë skuadër tjetër shqiptare më parë.

Ndeshja e kthimit luhet pas një jave në Ukrainë, ku Kukësi duhet të mbrojë rezultatin e arritur plot meritë sonte në “Qemal Stafa”. Ne besojmë!

Top Channel