Juventus kërkon Ibarbon
31/07/2013 00:00
Juventusi nuk është në shitje, Elkann: Jam krenar që kam qenë aksionar kontrollues për më shumë se një shekull 07/11 21:16
Juventus kërkon të përforcojë akoma më shumë repartin sulmues. Pas mbërritjes së Tevez dhe Llorente, bardhezinjtë kanë shënjestruar Victor Ibarbon, sulmuesi i ri i talentuar i Kaljarit.
Kolumbiani shihet si një alternativë e mirë në sulm në rast të largimit të Matrit dhe Kualjarelës. Conte sheh tek ai sulmuesin ideal për të vënë në vështirësi mbrojtjet kundërshtare në momente të vështira me shpejtësinë e tij dhe aftësinë për të luajtur nga krahët.
Por menjëherë në Sardenjë është ngritur muri i mbrojtjes ndaj ofertës së mundshme të bardhezinjve. Presidenti sard vlerëson sulmuesin 15 mln euro, para që Juventusi nuk i ka për momentin.
Kampionët e Italisë për momentin janë duke marrë në shqyrtim ofertat për Kualjarelën dhe Matrin. Me paratë e fituara nga shitja e këtyre dyve, mund të sigurohet shuma e nevojshme për të mbërritur tek Ibarbo.
Top Channel
