“Fitch”, SHBA vlerësohet me “AAA”

Komunikimi vjen nga vet agjencia përmes një njoftimi, ku nënvizohet se do të kryejë një rishikim të mëtejshëm të klasifikimit të SHBA-ve, brenda 2013-s.

Sipas Fitch, SHBA-të do të kenë një rritje të Produktit të Brendshëm Bruto me 2,8% në 2014-n dhe një rritje mesatare prej 3 % mes 2015-2017-s.

Konfirmimi i klasifikimit reflekton “themelet e forta ekonomike dhe të kredidhënies”, bën të ditur agjencia.

Brazil, arrestohet deputeti i arratisur
Rasti i parë që prej 1988-s, akuzohet për korrupsion

Dy ditë pas arratisjes, është arrestuar nga policia braziliane deputeti federal, Natan Donadon, i partisë së Lëvizjes Demokratike Braziliane, aleate e qeverisë së Dilma Rousseff.

Donadon është parlamentari i parë që përfundon në burg nga Kushtetuta e 1988-s. Në 2010-n ai u dënua me 13 vjet e 4 muaj heqje lirie, për konspiracion dhe përvetësim.

Në lidhje me këtë ngjarje, të mërkurën ishte lëshuar një mandat arresti.

Burg përjetë amerikanes, që i preu “gjenitalin”
Akuza ndaj ish-bashkëshortit, ia këputi dhe ia hodhi në koshin e plehrave

Catherine Kieu, 50 vjeç, mund të kërkojë lirim me kusht vetëm pas 7 vjetësh. Avokatët e saj thanë se ajo kishte probleme mendore e shëndetësore, që i janë shkaktuar prej abuzimit kur ishte fëmijë dhe prej ish-të shoqit të saj.

Por, viktima tha se ai kishte humbur pjesën e mbetur të jetës së tij dhe identitetin, pas sulmit të saj.

Kieu sulmoi ish-burrin e saj me një thikë në korrik 2011, pasi i kishte dhënë më parë pilula gjumi, bënë të ditur prokurorët. Ajo e lidhi më pas në krevat, thanë ata.

Policia kishte njoftuar se çifti ishte duke u divorcuar përpara momentit të sulmit. Kieu u tha zyrtarëve, të pranishëm në vendngjarje, se “ai e meritonte atë”, gjithnjë sipas policisë.

Top Channel