Fushatë dhe futboll

Shumë prej tyre organizuan takime të mëdha ne qytetet ku ishin angzhuar për fushatë, për të ndjekur me mbështetësit ndeshjen e kombëtares.

Në Elbasan, deputeti Ben Blushi pa Shqipërinë dhe shijoi golin e Ramës, në një nga sheshet e qendrës së qytetit së bashku me disa dhjetëra simpatizantë e qytetarë.

Ndërsa në Fier, ministri Sokol Olldashi këndoi himnin dhe brohoriti për përfaqësuesen me mbështetësit e Partisë Demokratike në sheshin qendror të qytetit.

Ilir Meta ndaloi për disa orë fushatën dhe në mbrëmje preferoi ta ndiqte kombëtaren në një nga lokalet e Korçës me kandidatët e listës së LSI për qarkun dhe simpatizantët korçarë të partisë së tij.

Në Tiranë, Fatmir Xhafa i ndoqi në dy sheshe ku socialistët kishin organizuar shikimin e ndeshjes. Deputeti socialist, një pjesë e ndau me banorët në dy njësitë bashkiake të kryeqytetit, në të cilat ai ishte angazhuar në fushatë.

Në Shkodër, deputetët që kryesojnë listen e PD, Jozefina Topalli dhe Helidon Bushati ishin spektatorë dhe mbështetës të kombëtares në një organizim të bashkisë, në rrugën pedonale të qendrës së qytetit.

Vërshëllima e fundit e arbitrit uli siparin e futbollit për politikën dhe ndoshta për shumicën e shqiptarëve. Nga e premtja në mesnatë, politikanët iu kthyen një tjetër ndeshjeje, asaj të zgjedhjeve dhe simpatizantët një tjetër tifozllëku, atij të posterave e flamujve elektoralë.

Top Channel