Konsumimi i peshkut në fëmijëri lufton alergjitë

Një grup shkencëtarësh suedezë kryen një studim 12-vjeçar, duke marrë parasysh dietën e disa mijëra fëmijësh në moshën nga 1-5 vjeç.

Në përfundim të studimit, ata zbuluan se ata që ishin rritur duke konsumuar shumë peshk, kishin një tolerancë më të lartë të trupit ndaj alergjisë.

Ekzema, një irritim lëkure që është njëkohësisht një prej formave më të përhapura të alergjisë, bie me 26% mundësi prekje, tek ata që janë rritur në këtë mënyrë.

Një tjetër faktor rreziku që zvogëlohet nga kjo dietë është elementi që shkakton azmën apo alergji të disa llojeve, si alergjia që shkakton bari ose polenët e luleve.

Ndërkohë, rreziku për t’u prekur nga disa alergji reduktohet deri me 80%.

Megjithatë, studimi i përqendruar në 3 285 fëmijë, i Institutit Karolinska të Stokholmit, nuk arriti të identifikonte se cili është ai element konkret, që ndodhet tek peshku, në gjendje për të rritur në mënyrë të tillë të ndjeshme imunitetin e trupit ndaj alergjive.

Sipas studimit, mjafton që fëmijët e moshës 1-5 vjeç të konsumojnë një herë në dy javë peshk, për të përfituar këto rezultate të shkëlqyera.

Top Channel