Rrezja që shuan varësinë nga kokaina

Drita aktivizon sistemet nervore të vetëkontrollit dhe në këtë mënyrë “shuan” nevojën e pakontrolluar për të konsumuar substanca narkotike.

Studimi është publikuar në revistën “Nature” dhe mban firmën e shkencëtarit italian që jeton në Amerikë, Antonello Bonci.

Studimi sugjeron një metodë potenciale për të zhdukur varësinë nga kokaina: veprimin, në mënyrë të moderuar dhe pa dhimbje, direkt në trurin e përdoruesve përmes stimulimit magnetik, TMS.

Një teknikë kjo që aktualisht përdoret për sëmundje të tjera si depresioni e që konsiston në goditjen me një rrymë korrenti nga jashtë, duke vendosur një sondë në kokë.

Përmes TMS-së, sipas shkencëtarit, mund të aktivizohet pjesa ballore e kokës së njeriut, duke arritur të njëjtat rezultate të arritura tek minjtë me përdorimin e një rrezeje drite.

Studimi është kryer në Institutin Kombëtar Shëndetësor në Baltimore. Minjtë “narkomanë” janë modifikuar gjenetikisht në mënyrë që neuronet e pjesës ballore të rezultonin të ndjeshme ndaj dritës. Me aktivizimin e stimulimit, minjtë kanë humbur varësinë nga kokaina.

Top Channel