Dheu bllokon aksin Këlcyrë-Përmet
14/03/2013 08:30
“Mjalti shqiptar të shkojë jashtë”/ Bletërritësit kërkojnë laborator për certifikimin e cilësisë
07/06 12:22
Një rrëshqitje dheu e ndodhur gjatë orëve të natës ka shkaktuar bllokimin e qarkullimit në aksin rrugor që lidh Këlcyrën me Përmetin.
Sipas informacioneve të autoriteteve lokale, bllokimi ka ndodhur në vendin e quajtur Kuqar, ku për momentin kalimi është i pamundur.
Autoritetet bëjnë me dije se dy fadroma po punojnë për hapjen e aksit që të çon në pikën doganore të Tre Urave.
Shkak për këtë rrëshqitje jo të vogël janë bërë reshjet e shiut që kanë përfshirë vendin, të cilat në disa zona kanë qenë me intensitet të madh.
Në fund të muajit të kaluar një rrëshqitje dheu u verifikua në fshatin Ngraçie, në Mallakastër.
Autoritetet lokale njoftuan se nga masivi i dheut ishin përfshirë të paktën 12 banesa, gjashtë prej të cilave ishin bërë të pabanueshme.
Autoritetet bënë me dije se nga rrëshqitja e dheut nuk pati persona të lënduar, ndërsa banorët që iu dëmtuan shtëpitë u strehuan gjetkë.
Edhe në këtë rast rrëshqitja e dheut erdhi si pasojë e reshjeve të shumta, që kanë shkaktuar probleme në zona të ndryshme të vendit.
Top Channel
