Bruce Willis: Nuk fitohet Oscar me filma aksion
13/02/2013 11:50
Në 30 vite karrierë si aktor, Bruce Willis ka fituar dy Golden Globe dhe dy Emmy, por nuk është nominuar kurrë për një çmim Oscar.
Ja si e shpjegon 57-vjeçari mungesën e çmimit më të madh kinematografik: “Nuk merr dot Oscar se bën për të qeshur njerëzit ose i vret ato në filma. Oscar-in e merr dikush që interpreton një personazh fisnik.”
Gjithashtu, në intervistën për revistën ‘GQ’, protagonisti i sagës ‘Die Hard’ zbuloi se aktrimi bëri që të mos kishte më probleme me artikulimin e fjalëve.
“Më merrej shumë goja, por kur nisa të merresha me disa pjesë teatrale në gjimnaz u përmirësova. Kur mësoja fraza përmendësh nuk e kisha këtë problem”, theksoi Willis.
Top Channel