“Super Bowl”, Madonna mund Beyonce
06/02/2013 17:55
Blero emocionohet nga letra e të atit! Këngëtari tregon vështirësinë për realizimin e këngës së parë: Kam punuar në fabrikë 18/05 20:30
Beyonce u paraqit e mrekullueshme në finalen madhështore të “Super Bowl”, por pavarësisht ekstravagancës së saj në skenë, 31-vjeçarja nuk arriti të mposhte rekordin absolut të shikueshmërisë, të mbajtur nga Madonna.
Sipas të dhënave zyrtare, paraqitja e Beyonces, e shoqëruar nga nga “Destiny Child” në spektaklin e tyre live, tërhoqi vëmendjen e 104 milionë amerikanëve të “gozhduar” përpara televizorit.
Një vit më parë, Madonna vendosi një rekord absolut, në historinë e programit më të ndjekur në historinë e televizioneve amerikane, me 112,5 milionë shikues.
Nga ana tjetër, kompania e specializuar në vlerësimet e audiencës, “Nielsen”, informoi se finalja e futbollit amerikan e këtij viti tërhoqi 108,4 milionë shikues, një rënie nga një vit më parë, kur “Super Boël” u ndoq prej 111,3 milionë shikuesve.
Megjithatë, në 2012-n, Madonna u ndihmua edhe të arrinte audiencën rekord edhe nga këngëtarët e tjerë që e shoqëruan, si Nicki Minaj, “LMFAO” dhe CeeLo Green, që gëzojnë një reputacion dhe famë më të madhe në publikin amerikan, se “Destiny Child”.
Top Channel
