Adriatik Llalla në Top Story

Gjatë këtyre dy dekadave të tranzicionit demokratik, pothuajse gjithmonë këto akuza kanë pasur qëllime politike dhe nuk janë konkretizuar asnjëherë në dënimin konkret apo procese gjyqësore të mirëfillta. Kjo klimë e bën veçanërisht të vështirë punën për institucionet e drejtësisë, që siç evidentohet nga institucionet ndërkombëtare, ndodhen nën një presion të vazhdueshëm nga politika. Në këto kushte, veçanërisht e vështirë dhe e ndërlikuar është puna e Prokurorisë së Përgjithshme. Gjatë këtyre 20 viteve të fundit, janë shumë ata kryeprokurorë që janë zgjedhur dhe larguar me zhurmë, për shkak të debatave që kanë hapur me politikën.

Për të folur për këtë situatë të vështirë, problematikën e zgjedhjeve në afrim dhe detyrën e tij delikate në krye të një prej institucioneve më të rëndësishëm të vendit, në studion e Sokol Ballës në “Top-Story”, ishte i ftuar Kryeprokurori i ri i vendit, zoti Adriatik Llalla.

Intervista e plotë

Sokol Balla: Mirëmbrema dhe mirë se vini në “Top Story”. Viti 2013 është një vit i rëndësishëm politik për shkak të zgjedhjeve dhe në fakt ashtu sic ne gazetarët dhe analistët e prisnim filluan akuza dhe kundër-akuzat për cështjet e karakterit korruptiv mes paleve. Natyrisht akuzat politike mbeten të tilla dhe nuk kanë përfunduar në një proces gjyqësor dhe kjo situatë parazgjedhore e bën të vështirë punën e organeve të drejtësise që sic kanë theksuar edhe ndërkombëtarët gjenden nën një presion të vazhdueshëm. Dhe prokuroria nuk ka shpëtuar nga ky proces presioni, së paku në 20 vitet e fundit shumë kryeprokurorë janë zgjedhur dhe kanë ikur me zhurmë për shkak të debateve që kanë shkaktuar pa dashjen e tyre me politikën. Ndaj dhe detyra e Prokurorit të Përgjithshëm këtë vit sidomos, është një detyrë tepër delikate dhe e vështirë. Në këtë post është një kryeprokuror i ri, Adriatik Llalla.

Sokol Balla: Si e pritet emërimin si Prokuror i Përgjithshëm ndërkohe që drejtonit një institucion do thoja unë po aq të rëndësishëm dhe delikat sic është ai i deklarimit të pasurive?

Kryeprokurori Adriatik Llalla: Dekretimi e më pas votimi në postin e kryeprokurorit është një vlerësim dhe një përgjegjësi e madhe njëkohësisht, elementë që po përpiqem t’i ndërthur në këto ditë të para në këtë post të rëndësishëm.

Sokol Balla: Zoti Llala kush ua kërkoi kandidmin?

Adriatik Llalla: Normalisht posti i kandidimit shkon në Kuvend me propozim të Presidentit, i cili më kërkoi pëlqimin për të dekretuar emrin tim në postin e kryeprokurorit, cka më pas u votua në Kuvendin e Shqipërisë.

Sokol Balla: Duke patur parasysh atë që po thoja më sipër që saga e Prokurorit të Përgjithshëm është një kapitull shumë i rëndësishem i tranzicionit politik shqiptar, a patët hezitime kur ju erdhi ky propozim?

Adriatik Llalla: Ashtu sic e thatë edhe ju, unë isha në një post të rëndësishem dhe të barazvlefshëm me këtë që jam aktualisht, post me të cilin isha miqësuar dhe me ndryshimet e fundit të ligjit prisja që institucioni i ILDKP të sillte risi në punën e tij, kjo ishte arsyeja për të cilën edhe hezitova, megjithatë pozicioni i Prokurorit të Përgjithshëm për shkak edhe të faktit që unë bëra disa vjet në këtë institucion, më tundoi dhe vendosa të pranoj propozimin e Presidentit të Republikës.

Sokol Balla: Ju e dini që paraprakisht kishte një debat të gjërë politik për paraardhësen tuaj dhe për faktin se kush do të ishte prokurori i ri. Në fakt kur doli emri juaj, shumë veta edhe ata që e shikonin kritik vendimin e mazhorancës, patën një lloj lehtësimi që në krye të këtij institucioni shkonte emri juaj. Megjithatë pati disa legjenda urbane apo mite që flitej për ndërhyrjen e ndërkombëtareve, sidomos të amerikanëve në lidhje me emrin tuaj. A ka një të vërtetë për këtë?

Adriatik Llalla: Dua të sqaroj se sic e përmenda edhe më parë të drejtën për të dekretuar Prokurorin e Përgjithshëm të Republikës, ashtu si dhe mjaft zyrtarë është tagri i Presidentit të Republikës së Shqipërisë, tagër që përmbushet në përputhje të Kushtetëtutës. Presidenti në përzgjedhje të kandidaturave shfrytëzon të gjitha burimet e informacionit të tij. Pyetjes më mirë mund t’i përgjigjej vetë Presidenti i Republikës se cilat janë arsyet që vendosi emrin tim. Ajo që dua të flas në raport në mbështetjen e ndërkombëtarëve për institucionin e drejtësisë në Shqipëri është fakti që në këto 20 vjet në mënyrë permanente gjithë institucionet ndërkombëtare kanë mbështettur institucionet e drejtësisë, cka unë e vura re edhe në ditët e para të emërimit tim në këtë pozicion. Pothuajse të gjithë përfaqësuesit e shteteve më të rëndësishme duke filluar nga Shtetet e Bashkuara të Amerikës, OSBE, Gjermanisë, Italisë e të tjerë përshëndetën kandidaturën time dhe ofruan mbështetjen e tyre të vazhdueshme për Prokurorinë e Përgjithshme.

Sokol Balla: Sic dhe ju e thatë ndërkombëtarët dhe vecanërisht amerikanët, kanë dhënë në mënyrë të vazhdueshme mbështetjen e tyre edhe në momente të rëndësishme për zyrën e Prokurorit të Përgjithshëm, kjo ndodhi edhe me paraadhësen tuaj zonjën Rama, megjithatë ajo nuk shpëtoi dot nga moskandidimi dhe shkarkimi. A mendoni se do jetë ndryshe në rastin tuaj?

Adriatik Llalla, Prokuror i Përgjithshëm: Është herët për të menduar për fundin. Gjithësesi për mënyrën e përfundimit të mandatit të zonjës Rama, unë gjykoj se përfundoi në bazë të përcaktimeve ligjore ashtu siç dhe vërtetoi Kuvendi i Shqipërisë. Ndërsa lidhur me ndërkombëtarët, unë mendoj që ndërkombëtarët mbështesin institucionet dhe jo individët, kështu mendoj se ndodh dhe në rastin tim.

Sokol Balla: Zonja Topalli kryetare e Kuvendit abstenoi në votimin ndaj kandidaturës suaj më pas ajo dha një shpjegim se qëndrimi i saj ishte pjesë e qëndrimit të saj të përhershëm për luftën ndaj korrupsionit, si e shpjegoni ju këtë qëndrim?

Adriatik Llalla, Prokuror i Përgjithshëm: Argumentim të cilit duhet t’i përgjigjet vetë zonja Topalli. Nuk është e drejta ime të jap shpjegime nga deklaratat e saj. Ajo që unë vecova nga deklarata e zonjes Topalli ishte fakti që ajo kërkon nga institucioni i prokurorisë të vijojë luftën kundër korrupsionit. Prokuroria shqiptare ka detyrim ligjor që të zbatojë në mënyrë korrekte gjithë dispozitat ligjore, Kodin Penal të Republikës së Shqipërisë, Kushtetutën e Shqipërisë, Kodin e Procedurës, pra cdo ligj që rregullon veprimtarinë e këtij institucioni, detyrë të cilën besoj dhe kam besim se do ta përmbush me korrektesën më të mundshme.

Sokol Balla: Zoti Llalla opozita shprehu vlerësime shumë të mira apo të mira ndaj kandidaturës suaj, megjithatë nuk e votoi atë nisur nga një argument politik se përzgjedhja ishte bërë e njëanëshme, pa një diskutim politik. A ndjehet kryeprokurori që të bëjë qoka djathtas meqënse votat erdhën djathtas?

Adriatik Llalla, Prokuror i Përgjithshëm: Gjatë këtyre 5 viteve unë jam votuar dy herë në Kuvendin e Shqipërisë. Në fillim jamë votuar me mbështetjen e opozitës aktuale në postin e inspektorit të ILDKP-së dhe nuk ndjeva ndonjë obligim për të bërë qoka majtas. Por ajo që dua të theksoj është fakti se opozita nuk shprehu rezerva as lidhur me listën e kandidatëve, por vetëm me procesin. Pra mendoj se abstemini ka qenë një votë pro kandidaturës sime dhe gjej rastin ta falenderoj për mbështetjen që më ka dhënë.

Sokol Balla: Zoti Llalla megjithatë këtë paragjykim që mund të ekzistojë në një pjesë të opinionit publik se kryeprokyurori i ri është zgjedhur vetëm me votat e mazhorancës. Si mendoni ta luftoni?

Adriatik Llalla, Prokuror i Përgjithshëm: Është e thjeshtë. Besoj zbatimi në mënyrë korrekte i ligjit, përmbushja e detyrës shpejt do ta fashisë edhe këtë nëse ekziston ky opinion.

Sokol Balla: Zoti Llalla do të shohim gjatë këtyre muajve procese hetimore ndaj zyrtarëve të lartë të administratës, një minus ky, në punën e mëparshme të institucionit që ju drejtoni e evidentuar kjo edhe në raportet e ndërkombëtarëve.

Adriatik Llalla, Prokuror i Përgjithshëm: Besoj se po, pa dashur të paragjykoj apo të evidentoj rastet specifike pa ditur se cdo të ndodhë. Por besoj se Prokuroria e Përgjithshme do të hetojë në mënyrë të pakufizuar cdo shtetas shqiptar nga Presidenti i Republikës deri te qytetari më i thjeshtë, aq më tepër tani që ligjin nuk lejon asnjë lloj kufizimi për cilindo që nga zyrtarët më të lartë, kryeministër, ministra, deputetë, gjyqtarë etj. Pra ne nuk kemi asnjë lloj pengese për të përmbushur këtë detyrë. Është detyra jonë të zbatojmë në mënyrë korrekte ligjin.

Sokol Balla: Ju i referoheni ligjit për imunitetet e zyrtarëve të lartë apo jo. Sa realisht mendoni se kjo ka qenë pengesë, në të shkuarën. Ka patur një pengesë reale, institucioni që ju keni drejtuar ka bërë padi konkrete mbështetetur me fakte konkrete ku zbuloheshin konflikte të rënda interesi apo shkelje të ligjit nga zyrtarët e lartë dhe ato kanë përfunduar në kosh.

Adriatik Llalla, Prokuror i Përgjithshëm: Ky është një nga shqetësimet e mia gjatë punës së ILDKP-së, në bindjen time do ishte provuar fakti që këta zyrtarë kishin krijuar në mënyrë të paligjshme pasuri që e kishin fshehur në mënyra të ndryshme. Ka qenë mungesa e vullnetit të organit të prokurorisë lidhur me zbatimin në mënyrë korrekte të ligjit që këto cështje të pushoheshin, gjë e cila nuk ka për të ndodhur në ditët në vijim.

Sokol Balla: I referohemi atij teknikaliteti që prokuroria nis edhe vetë nga pikëpamja ligjore. Themi hetime apo dosje ndaj këtyre zyrtarëve, do ta bëni ju këtë apo do prisni reagimin nga institucioni që ju keni drejtuar?

Adriatik Llalla, Prokuror i Përgjithshëm: Ne në momentet e para, që në ditët e para që shkova në drejtimin e prokurorisë shqiptare, një nga të rejat që solla ishte hapja në faqen e Prokurorisë të Republikës në të cilën qytetarët mund të denoncojnë të gjitha rastet që ata dyshojnë se janë kryer krime të ndryshme, përfshi edhe rastet e korrupsionit në radhët e administratës publike. Cdo ditë në adresën tonë vijnë me dhjetra apo me qindra denoncime ku i referohen institucionit tone lidhur me dyshimet që ata kanë për të tilla raste. Pothuajse në mënyrë permannente nga ne kanë filluar procedime penale nga telefonatat apo denoncime nga qytetarët për raste të ndryshme.

Sokol Balla: Bëhet fjalë për raste të rëndësishme?

Adriatik Llalla, Prokuror i Përgjithshëm: Po po, për zyrtarë të rëndësishëm.

Sokol Balla: Mund të na thoni deri në çfarë niveli shkojnë?

Adriatik Llalla, Prokuror i Përgjithshëm: Ka zyrtarë të nivelit të lartë të cilët denoncohen nga qytetarët dhe për të cilët ka filluar hetimet, hetime të cilat mund të bëhen publike në ditët në vijim.

Sokol Balla: Edhe ne kemi emisionet tona si Fiks Fare ku drejtuesit e emisionit në fakt thonë se vijnë cdo ditë ka denoncime të tilla. Kjo tregon që perceptimi për korrupsionin në Shqipëri është ai që thonë edhe shumë raporte ndërkombëtare. Ju kam ndjekur me vëmendje edhe në intervistën tuaj të parë te Zëri i Amerikës, që besoj nuk e keni dhënë jo rastësisht atje. Përkundrejtë cfarë thotë mazhoranca, ju cituat me shqetësim raportin e fundit të Transparency International pikërisht për perceptimin e korrupsionit. Sa realisht mendoni se do jeni i pavarur në punën tuaj?

Adriatik Llalla, Prokuror i Përgjithshëm: Këtë ju siguroj, nisur edhe nga përvoja ime e mëparshme në drejtimin e një institucioni sic ishte ILDKP. Unë kam bindjen se nëse drejtuesi i një institucioni nuk i afrohet politikës, nuk bën pakt me politikën, politika nuk guxon t’i afrohet atij. Kam bindjen që në drejtimin e institucionit të prokurorisë do të jem i pavaruir dhe prokuroria do të jetë e pavarur.

Sokol Balla: Keni patur përplasje gjatë funksionit të mëparshëm që keni patur me drejtues të lartë të qeverisë dhe të administratës dhe si i keni bërë ballë atyre le të themi?

Adriatik Llalla, Prokuror i Përgjithshëm: Jo nuk kam patur raste që drejtues të lartë të shtetit të benin presion mbi institucionin që unë drejtoja, bile përkundrazi në cdo rast kur ata ftoheshin për të bërë deklarime për të dhënë dokumenta lidhur me hetimet që ne kryenim, ata gjithmonë kanë qenë të gatshëm dhe nuk ka patur shmangie nga detyrimet e tyre ligjore, gjë e cila do të arrihet edhe në drejtimin e prokurorisë, sepse saknksionet, mjetet që ka prokuroria në dispozicion janë shumë herë më të forta.

Sokol Balla: Cfarë nuk bëri dot Ina Rama që do ta bëjë Adriatik Llalla?

Adriatik Llalla, Prokuror i Përgjithshëm: Normalisht nuk më takon mua që të gjykoj paraardhësen apo paraardhësit e mi. Detyra imë është se cfarë do të sjell në të ardhmen në drejtimin e institucionit të prokurorisë dhe ju siguroj që do të sjell risi të reja në drejtimin e prokurorisë, rizgjim të prokurorisë në përmbushjen e detyrimeve të saj kushtetuese.

Sokol Balla: Në çfarë gjëndje e gjetët institucionin që drejtoni prej pak kohësh?

Adriatik Llalla, Prokuror i Përgjithshëm: Normalisht për shkak dhe të situatës që u krijua prokuroria ishte në një situatë mosfunksionimi, por ajo që ishte më shqetësuese ishte rënia e besimit të publikut te institucioni i prokurorisë. Gjë të cilën besoj se do të rikthehet shumë shpejt, duke synuar se pari që në drejtim të strukturave të ndryshme të prokurorisë të vijnë njerëz me përvojë, me autoritet, të cilët do të kenë mundësinë që të kthejnë të vënë çdo hallkë të prokurorisë në gjendje pune dhe për të kthyer besimin e prokurorëve vetë dhe më pas të besimit të publikut të prokuroria.

Sokol Balla: Po shikoja gazetat e pak ditëve më parë, një gazetë kritike me qeverinë Tema që bënte thirrje për hetime të vajzës së kryeministrit dhe një gazetë tjetër 55 e cila paralajmëronte shumë shpejt zbulimin e autorit të puçit. Si mendoni se mund të punoni në këtë klime kaq të polarizuar?

Adriatik Llalla, Prokuror i Përgjithshëm: Pranë prokurorisë ekziston një zyrë e posacme që ndjek zhvillimet mediatike apo ankesat e qytetarëve. Cdo rast i kësaj natyre merret me vëmendje, shikohet, verifikohet nëse ekzistojnë elementë të veprës penale për të filluar apo jo hetimet. Të gjitha këto raste janë në proces verifikimi dhe do të vendoset apo jo elemnetë për të filluar procedimin penal

Sokol Balla: Ju thatë se ka një zyrë që merret me denoncime, Fiks Fare ka ndjekur një temë që më është dukur skandaloze, ajo për mënyrën se si nxirret, transportohet kromi nga Bulqiza. E keni ndjekur këtë cështje? Ju është referuar?

Adriatik Llalla, Prokuror i Përgjithshëm: Mbasi më është referuar e kam riparë këtë kronikë dhe kemi marrë informacionet e duhura në Prokurorinë e Matit dhe të Dibrës. Vlen të theksohet se në Prokurorinë e Dibrës që në muajin tetor ka filluar hetimet për këtë problem. Ka filluar procedimet penale, janë duke u shfrytëzuar edhe materialet e fundit të bëra publike nga Fiks Fare. Sot ose nesër prokurorët janë duke marrë edhe materialet pranë zyrave të Fiks Fare. Procedimet penale vijojnë besoj se edhe në ditët në vijim do të përcaktohen edhe përgjegjësit e këtyre veprave penale.

Sokol Balla: Gjatë bisedave informale që kam patur me ju kam vënë re njëfarë nostalgjie për institucionin që ju keni drejtuar ILDKP për shkak të punës që ju thoni keni drejtuar me pasion dhe keni ngritur një grup të mirë atje. Dy- tre ditë më parë u zgjodh pasuesja juaj, zv/ministrja Zana Zhuka, ndërkohë kandiduan edhe zyrtarë të lartë të ILDKP-së. Mendoni se është bërë zgjedhja e duhur?

Adriatik Llalla, Prokuror i Përgjithshëm: ILDKP është institucion që është vlerësuar nga ndërkombëtarët dhe Kuvendi i Shqipërisë. Përzgjedhja e drejtuesit nuk është e drejta ime për ta komentuar. Ai është votuar në Kuvendin e Shqipërisë dhe unë i uroj suksese zonjës Zhuka dhe ajo që shoh në interes të punës sonë është që të vazhdojë ky bashëpunim i frytshëm mes institucioneve tona me qëllim vënien para përgjëgjësisë penale të shkelësve të ligjit. Aq më tepër që tani ligji lejon më tepër hapësirë Inspektoriatit të Lartë për të kryer hetime lidhur me personat e lidhur me zyrtarët.

Sokol Balla: Në fakt ju keni prekur një nga temat apo betejat e heshtura tuajat kur ishit në krye të ILDKP-së. Qëndrimet tuaja edhe publike në fakt, për moseficense të prokurorisë në hetimin e dosjeve për zyrtarëve që nuk deklaronin apo fshihnin pasuritë në deklarimet e tyre. Si e gjetët në këtë pikë prokurorinë dhe tani që jeni në krye të saj cfarë do ndryshojë në bashkëpunimin e institucioneve? Pra ju sillnit në prokurori dhe nuk ndodhte asnjë gjë. Çfarë do të ndryshojë konkretisht?

Adriatik Llalla, Prokuror i Përgjithshëm: Detyrat, një nga prioritetet e mia të para ka qenë rritja e bashkëpunimit ndërinstitucional, jo vetëm me Inspektoriatin, por me gjithë institucionet e tjera që prokuroria ka detyrim ligjor për të bashëpunuar si me Policinë e Shtetit, Drejtorinë e Parandalimit të Pastrimit të Parave, doganat, tatimet. Mendoj se bashkëpunimi me ILDKP do jetë shumë i frytshëm sepse besoj se të gjitha rastet që unë kam sjellë në këtë institucion kanë qenë raste të provuara dhe të pushuara në mënyrë jo të drejtë nga ana e prokurorisë.

Sokol Balla: Pra ju do t’i rihapni këto cështje?

Adriatik Llalla, Prokuror i Përgjithshëm: Një pjesë e këtyre rasteve, një pjesë e madhe e tyre janë kthyer për rihetim nga gjykata pasi ne jemi ankuar për vendimet e prokurorisë. Mjaft raste janë rikthyer për hetim në prokurori dhe pjesë të tjera ndodhën në hetim aktualisht, një pjesë ndodhet në proces hetimi nga strukturat e Prokurorisë së Përgjithshme.

Sokol Balla: Javën e fundit ka patur një përballje akuzash, por edhe fajesh nga dy kampet politike për cështje korrupsioni dhe konflikte interesi të familjarëve të qeveritarëve dhe politikanëve. A do nisni hetime për këto?

Adriatik Llalla, Prokuror i Përgjithshëm: Në disa prej këtyre rasteve janë dorëzuar kallzime nga Bashkia e Tiranës në lidhje me objektin e ndërtuar nga zonja Basha. Kallzime të tjera nuk ka.

Sokol Balla: Ajo thotë të afërm të saj…

Adriatik Llalla, Prokuror i Përgjithshëm: Po të afërm, për të qenë më i saktë. Për këto raste vijojnë verifikimet para se të vendoset fillimi ose jo i procedimeve penale.

Sokol Balla: Në rastin konkret ka edhe një denoncim nga opozita për vajzën e kryeministrit…

Adriatik Llalla, Prokuror i Përgjithshëm: Për të gjitha këto raste janë në proces verifkimi para se të vendoset fillimi ose jo i procedimit penal. Dua të theksoj se organi i prokurorisë para se të vendose fillimin ose jo të procedimit, kryen disa veprime verifikuese nëse ka elementë të veprës penale apo jo. Të gjitha këto raste janë ne procës verifikimi dhe në ditët në vijim do vendoset nëse do fillojnë apo jo hetimet.

Sokol Balla: Ka patur gjithmonë një raport të mirë media-prokurori, aq sa një paraardhësi juaj në prokurori e ka futur në një nga pikat, pra media zbulon rastet prokuroria i ndjek. Ju premtoni se kjo praktitë do të vazhdojë?

Adriatik Llalla, Prokuror i Përgjithshëm: Pa diskutim media do të jetë një nga bashkëpunëtorët më të fuqishëm gjatë drejtimit të këtij institucioni.

Sokol Balla: Dy ditë më parë thatë në një takim me kreun e KLSH-së, u tha se do ndëshkohen zyrtarë të lartë. Pse duhet të besojmë se do ndryshojë gjykata se ashtu si dhe në kohën e Ina Ramës, gjithësesi fjala e fundit i mbetet gjykatës ky ka qenë argumenti i prokurorisë që është gjykata që mbyll proceset dhe këtu duam realisht të dimë se cfarë ju do të ndryshoni?

Adriatik Llalla, Prokuror i Përgjithshëm: Padyshim fjala e fundit i takon gjykatës, por nëse prokuroria shkon para gjykatës me fakte dhe prova nuk mundet që në të gjitha shkallët e gjyqësorit të ketë sjellje të njëjtë. Kam bindjen që nëse institucionet shtetërore do të bashkëpunojnë në kryejnë e hetimeve të plota dhe të gjithanshme ashtu sic ne kemi vepruar këto ditë me fillimin e mjaft proceseve të kallzuara nga ana e KLSH për të cilat filluan hetimet në disa rrethe të vendit momentalisht.

Sokol Balla: Ka patur disa denoncime për disa nga bashkitë?

Adriatik Llalla, Prokuror i Përgjithshëm: Po.

Sokol Balla: Në fakt edhe këtu prapë delikate është sepse gjithmonë do ju shohin me lupë domethënë, kë nga bashkitë po kontrolloni.

Adriatik Llalla, Prokuror i Përgjithshëm: E rëndësishme është që hetimet tona ju siguroj që do të jenë të gjithanshme të plota dhe të pavarura. Asnjë kallzim nuk do të shihet me këtë sy dhe për këtë do ta tregojë koha.

Sokol Balla: Në një nga daljet tuaja të para deklaruat se ju i njihni për shkak se keni punuar me prokurorët e korruptuar dhe se pastrimi nga radhët e prokurorisë do të jetë filozofia e drejtimit të Prokurorisë së Përgjithshme dhe në fakt nuk ka sens, nuk mund të luftojnë korrupsionin ata që janë vetë të korruptuar. Kur do nisë spastrimi apo pastrimi i prokurorisë dhe në cfarë mase mendoni se janë prokurorët e korruptuar?

Adriatik Llalla, Prokuror i Përgjithshëm: Prioritet i punës sime do të jetë pa diskutim lufta kundër fenonemit të korrupsinit brënda vetë radhëve të institucionit. Pra nuk mundet që punonjës të një institucioni që janë vetë të korruptuar të luftojnë krimin apo korrupsionin në vend. Unë këto ditë kam filluar proceset e inspektimit në disa prokurori duke filluar nga Prokuroria e Tiranës, proces që do të vijojë në të gjitha prokuroritë e vendit. Në vartësi të rezultateve që do të mblidhen nga ky proces, kontrollit të të dhënave që vijnë përditë nga ana ë qytetarëve në adresë të institucionit të cilat verifikohen më pas nga ana jonë, do të konkludohet për rastet konkrete nëse do të ketë, sa do jenë e si do jenë e të tjera me radhë. Ajo cfarë doja të theksoja është fakti  që duhet t’i tërheq vëmendjen cdo prokurori duke përfituar edhe nga kjo studio, gjë e cila e kam bërë edhe në takimet që unë kam patur me prokurorët. Ata prokurorë të cilët nuk mund të përmbushin detyrën në mënyrë korrekte, duhet t’i bëjnë një shërbim të mirë qytetarëve dhe vendit, të largohen vullnetarisht nga prokuroria shqiptare me qëllim që ky institucion të përmbushë në mënyrë korrekte detyrën e tij para se ndaj tyre të fillojnë proceset që unë nuk do të lë pa i filluar duke filluar me proceset disiplinore ashtu edhe ato penale.

Sokol Balla: Pra që ta kuptoj, ju ofroni në thonjza aminsti për këta prokurorë nëse ata largohen në mënyrë të vullnetshme?

Adriatik Llalla, Prokuror i Përgjithshëm: Nëse ata do të gjenden në shkelje të ligjit, nuk ka amnisti, nëse ata do të jenë në shkelje disiplinore ju kërkoj të largohen në mënyrë sa më të shpejtë të mundshme nga trupa e prokurorëve shqiptarë.

Sokol Balla: Në ditën tuaj të parë që morët detyrën në Prokurorinë e Përgjithshme në prezantimin që ju bëri zoti Nishani edhe në atributin e personit që ju ka propozuar edhe me atributin e kryetarit të KLD, ai foli me tone të ashpra për njësinë Task Force që u krijua dhe u quajt një nga sukseset më të mëdha se si njësi bashkonte disa institucione dhe që pritej të hetonte problemet që lidhen me krimet ekonomike dhe të pastrimit të parave. Menjëherë më pas ju e ndryshuat kreun e Task Forcës apo ai dha dorëheqjen apo besoj se ka qenë një proces i dyanshëm në cdo rast. Si duhet ta përkthejnë këtë prokurorët e thjeshtë, pra që ka qenë një shkarkim për shkak se e kërkon Presidenti i Republikës apo sepse realisht kjo njësi Task Forcë nuk ka funksionuar sic duhet?

Adriatik Llalla, Prokuror i Përgjithshëm: Njësia Task Force e Tiranës momentalisht është në proces inspektimi nga ana e Prokurorisë së Përgjithshme. Në ditët në vijim do të pres rezultatet e këtij kontrolli për të gjykuar lidhur me ecurinë e saj. Megjithatë nisur edhe nga fakti që mjaft raste që kam shqyrtuar momentalisht krijojnë bindjen se kjo njësi nuk ka funksionuar në mënyrën e duhur ligjore, nuk ka përmbushur në mënyrë korrekte detyrimet e saj, nuk ka bashkëpunuar në mënyrën e duhur me strukturat e tjera që ajo ka patur detyrë për të bashkëpunuar, duke filluar me policinë, parandalimin e pastrimit të parave, KLSH dhe ILKPD dhe mendoj se ajo njësi kishte nevojë për një rifreskim për një ridrejtim që mendoj se drejtuesi u largua vullnetarisht dhe u emërua një drejtues tjetër, që presim të shohim mënyrën se si do ta drejtojë këtë njësi. Megjithatë kjo njësi nuk është e pavarur, por drejtohet edhe nga drejtuesi i rrethit dhe drejtues të tjerë të Prokurorisë së Përgjithshme.

Sokol Balla: Kur ju thoni nuk ka vepruar në mënyrë ligjore ka patur shkelje ligjore apo thjeshtë nuk ka zbatuar kuadrin ligjor?

Adriatik Llalla, Prokuror i Përgjithshëm: Besoj se ka edhe shkelje ligjore.

Sokol Balla: Shkelje ligjore pra duhet të presim edhe pasoja të tjera nëse vërtetohen?

Adriatik Llalla, Prokuror i Përgjithshëm: Patjetër. Nëse vërtetohen patjetër.

Sokol Balla: Zoti Llala në 30 janar është një ditë e rëndësishme për prokurorinë pasi, mos gaboj është pretenca për 21 Janarin por edhe analiza e prokurorisë. Cfarë duhet të presin vartësit tuaj të thoni atë ditë?

Adriatik Llalla, Prokuror i Përgjithshëm: Analiza është një proces që ka nisur, do të vijojë në ditët në vazhdim në të gjitha prokuroritë dhe nëse do të mundet të përfundojë brenda kësaj date, normalisht unë do të kem atë cfarë do të kërkoj të përmbushin në vitin në vijim.

Sokol Balla: Zoti Llalla keni bërë disa lëvizje të rëndësishme gjatë këtyre kohëve në spostime drejtuesisht, shkarkime, zëvendësime. Ka një opinion se po riktheni në detyrë ata që hoqi apo largoi Ina Rama. Sa i vërtetë është ky supozim.

Adriatik Llalla, Prokuror i Përgjithshëm: Ish-prokurorja, paaardhësja ime i kërkoi Kuvendit të Shqipërisë që të shtontë një numër prej 6 vendesh për prokurorë për arsye se gjatë periudhës që ajo drejtoi institucionin u shkarkuan 6 prokurorë të cilët më pas fituan të drejtën me anë të vendimeve gjyqësore për t’u kthyer në detyrë. Unë zbatova thjeshtë detyrimin ligjor për të zbatuar vendimin e gjykatës, detyrim ligjor që kam bindjen se do ta zbatonte edhe paraardhësja ime, aq më tepër që më kërkesën e saj ju kërkua Kuvendit të Shqipërisë, Ministrisë së Financave që të shtonte këto vende për këta prokurorë të shkarkuar.

Sokol Balla: Zoti Llala e di që ndoshta s’do ta keni të lehtë dhe nuk do të preferonit që të flisnit, por megjithatë si e vlerësoni paraardhësen tuaj nisur edhe nga bashkëpunimi që keni patur me të, nuk flas në nivel institucional, por në nivel drejtuesish që keni patur?

Adriatik Llalla, Prokuror i Përgjithshëm: Gjykoj se s’është momenti i duhur të jap vlerësime për paraardhësen time.

Sokol Balla: Megjithatë më radhitët një sërë vërejtjesh për punën e institucionit  që ju drejtonit?

Adriatik Llalla, Prokuror i Përgjithshëm: Edhe nga pozicioni që kam qenë kam patur gjithmonë vërejtje për mënyrën e drejtimit të prokurorisë, vërejtje të cilat i kam bërë publike si në Kuvend, ashtu në disa raste edhe në media. Ky institucion nuk kontrollonte në mënyrën e duhurshkallët më të ulta të tij duke pushuar në mënyrë të padrejtë mjaft procedime të cilat kallzoheshin nga institucionet e tjera dhe më tepër nga inspektoriati që unë drejtoja, që të cilën e kisha ankimuar edhe në mjaft raste edhe pranë Prokurorit të Përgjithshëm.

Sokol Balla: Cilat janë problemet kryesore që ka Prokuroria e Përgjithshme sot dhe që ju prisni t’i kuroni, t’i shëroni apo t’i rregulloni në të ardhmen e afërt?

Adriatik Llalla, Prokuror i Përgjithshëm: Problemi kryesor që përmendet edhe më parë është rritja e besimit të publikut te institucioni i prokurorisë, po ashtu edhe të vetë të mjaft prokurorive që duhet të kenë, të prokurorëve të institucionit në të cilin ata punojnë, gjë e cila nuk mund të realizohet ndryshe vetëm nëpërmjet punës së tyre duke zbatuar në mënyrë korrekte detyrimet ligjore që ka gjithësecili prej nesh.

Sokol Balla: Zoti Llala si është situata në rrethe sepse ne i referohemi Tiranës për shkak se Tirana merret me këto të ashtuquajtura cështje apo dosje të mëdha. Si është situate në rrethe që është realisht më larg vëmendjes së qeverisë, politikës, të medias?

Adriatik Llalla, Prokuror i Përgjithshëm: Në ditët në vijim kam planifikuar që të kontrolloj në mënyrë të vazhdueshme të gjitha prokuroritë duke filluar nga Saranda deri në Tropojë, të gjitha prokurorët e Shqipërisë për të parë nga afër problemet që ekzistojnë. Ajo cka unë konstatoj dhe që është vërtetë shqetësuese është fakti që mjaft prokurorë vijojnë të jenë në të njëjtin vend, në një pozicion drejtues prej rreth 10 apo 15 vjetësh, gjë e cila është më e theksuar sidomos në prokuroritë e apeleve. Qënia e të njëjtit person në një ambient të tillë, aq më tepër në një rreth krijon një familjaritet aq të madh me ambientin sa është e pamundur që ai të përmbushë në mënyrë korrekte detyrën e tij. Dhe kjo do të jetë një ndër prioritetet e mia, pra që të krijojë mundësinë që këta drejtues të qarkullojnë nga një rreth në një tjetër, nga një pozicion në tjetrin.

Sokol Balla: Pra mund ta thoni që sot që do ketë ndryshime të krerëve të rretheve?

Adriatik Llalla, Prokuror i Përgjithshëm: Po, do ta përmbush në ditët në vijim.

Sokol Balla: Zoti Llala do t’ju përmend unë disa gjëra që kanë ndodhur në të shkuarën. Prokuroia përshembull ka bërë shpesh gabime proceduriale të proceseve të rëndësishme gjyqësore, vonesa në kohë e procedurave hetimore është ajo që ndeshtet më shpesh në disa cështje që kanë qenë tepër delikate dhe me impakt në opinionin publik. I referohem disa proceseve të vitit 2009. Keni dhe ju të njëjtin perceptim për këto procese që kanë dështuar për shkak të këtyre vonesave të procedurave nga prokurorët deri në pikën sa janë quajtur vonesa të qëllimshme apo ka ardhur nga paaftësia?

Adriatik Llalla, Prokuror i Përgjithshëm: Në cfarëdo rrethane që kanë ardhur përgjegjësia e prokurorit nuk mund të shmanget. Të gjithë ata prokurorë që janë konstatuar në shkelje të tilla, nëse nuk janë marrë masa deri dje apo në ditët në vijim, patjetër që nga ana ime do të verifikohen apo do të vihen përpara përgjëegjësië disiplinore apo penale në vartësi të shkeljeve që do të konstatohen.

Sokol Balla: A besoni se një prokuror nuk do të llogariste dot afatin e hetimit të një dosje apo një tjetër do të siguronte materiale jashtë kushteve ligjore. A mund të ndodhë kjo realisht?

Adriatik Llalla, Prokuror i Përgjithshëm: Ai s’mund të jetë më prokuror nëse s’mund të bëjë këtë.

Sokol Balla: Pra ai do të përjashtohet nga trupa e prokurorëve.

Adriatik Llalla, Prokuror i Përgjithshëm: Po.

Sokol Balla: Disa prej këtyre proceseve janë tepër të rëndësishme në opinionin publik. Le t’i referohemi Gërdecit. Si mendoni se u hetua cështja e Gërdecit? A u hetua ajo si duhet duke patur parasysh që ishte edhe një dosje referuar deklaratave të të ndjerit Kosta Trebicka? A mendoni se duhej pushuar ajo cështje?

Adriatik Llalla, Prokuror i Përgjithshëm: Ajo cështje është në proces gjykimi janë në apel. Pjesa tjetërë është pushuar cështja në Gjykatën e Lartë. Është një cështje e cila nuk mund të gjykoj për mënyrën se si është hetuar, aq më tepër që është në gjykim momentalisht. Nëse do ishte ishte në proces hetimi në prokurori unë mund të merresha ta shihja, ose nëse do ishte pushuar, mund të shihja si është hetuar apo pushuar. Përseri sa procedimi penal është në fazën e gjykimit është një rast me të cilin unë mund të merrem.

Sokol Balla: Disa herë familjarë të viktimave të Gërdecit dhe shoqata që ata kanë krijuar i janë drejtuar ish-prokurores së Përgjithshme zonjës Rama për të hetuar ish-zyrtarët e atëhershëm të mbrojtjes, sidomos pas kufizimeve të imunitetit nga parlamenti. Cfarë do të ndodhë me këto kërkesa zoti kryeprokuror?

Adriatik Llalla, Prokuror i Përgjithshëm: Të gjitha këto kërkesa do të shqyrtohen për të parë mundësine e hetimeve që familjarët e viktimave kërkojnë.

Sokol Balla: Pra do t’i shqyrtoni formalisht këto kërkesa?

Adriatik Llalla, Prokuror i Përgjithshëm: Pa diskutim. Kërkesat e tyre do të shihen, rishihen personalisht nga ana ime.

Sokol Balla: Personalisht nga ju?

Adriatik Llalla, Prokuror i Përgjithshëm: Personalisht nga unë

Sokol Balla: E keni tagrin për ta bërë këtë personalisht?

Adriatik Llalla, Prokuror i Përgjithshëm: Pa diskutim.

Sokol Balla: Disa procese të tjera edhe janë mbyllur përsëri, jo shkelje afatesh procedurash, cështje teknike sic është përshembull procesi i famshëm për rrugën e kombit. Këto ju mund t’i rihapni apo kërkoni një ngacmim apo indicje të reja?

Adriatik Llalla, Prokuror i Përgjithshëm: Prokurori i Përgjithshëm ka atributet ka mundësitë ligjore për të kryer cdo lloj hetimi në organin që ai drejton. Ai është autoriteti më i lartë i ndjekjes penale në vend. Nëse rasti konkret nuk është gjykuar apo nuk është në proces gjykimi në gjykatë në cdo moment ai mund të rihapet.

Sokol Balla: Në cdo moment?

Adriatik Llalla, Prokuror i Përgjithshëm: Pa diskutim.

Sokol Balla: Nga varet ky moment?

Adriatik Llalla, Prokuror i Përgjithshëm: Qoftë edhe vullneti personal i prokurorit, mbase edhe pa indicie.

Sokol Balla: Pra është një gjë që ju mund ta merrni në konsideratë

Adriatik Llalla, Prokuror i Përgjithshëm: Po. Pa diskutim, qoftë edhe nga kjo bisedë e sotme.

Sokol Balla: Edhe nga kjo bisedë, në rregull.

Adriatik Llalla, Prokuror i Përgjithshëm: Po.

Sokol Balla: Ju vetë si përjetuat ngjarjet e 21 Janarit?

Adriatik Llalla, Prokuror i Përgjithshëm: Këto janë situata që në Shqipëri janë përsëritur shpesh gjatë këtyre 20 viteve dhe të krijojnë një përshtypje jo të mirë. Unë personalisht në vitin 1997 kam filluar punë për herë të parë në qytetin e Lushnjes, ku gjeta një qytet të shkatërruar nga trazirat e atij viti, edhe nga bandat. Qytet që nuk e rimori dot veten edhe shumë vite më pas. Edhe sot ndihen pasojat e atyre ngjarjeve dhe gjithmonë kur shoh situata të tilla sado të ndjehet shqetësimi, ajo se cdo të ndodhë. Ajo ishte një ngjarje e rëndë që ndodhi në mes të kryeqytetit me ato pasoja të rënda, me atë mënyrë që u organizua dhe gjykoj se ishte përgjegjësi e të gjithë atyre që moren pjesë në këtë ngjarje. Megjithatë nga pozicioni që unë jam momentalisht nuk mund të jap më shumë gjykime se sa kaq.

Sokol Balla: Megjithatë më bëri përshtypje fakti që i bëtë një lidhje me ‘97 se sa me ‘98.

Adriatik Llalla, Prokuror i Përgjithshëm: Thashë të gjitha ngjarjet e ketyre viteve që kanë përcjellë në Shqipëri të krijojnë një ndjenjë pasigurie, një ndjenjë dëshpërimi ndjenjë që tek ne, që unë pak a shumë e kam parë disa herë dhe filluam dhe u mësuam, por edhe te fëmijët tanë kur shohin të tilla ngjarje vërtetë është e trishtueshme.

Sokol Balla: Në fakt më 30 janar prokuroria do të shpallë pretencën për ngjarjen e 21 janarit mes të cilëve është edhe ish-shefi i Gardës, Ndrea Prendi. Ju vetë a keni patur kohë, a keni patur mundësi edhe interes të njiheni personalisht me këtë dosje? Në c’nivel ajo është dhe cfarë qëndrimi përfundimtar do të mbajë prokuroria në Gjykatën e Shkallës së Parë?

Adriatik Llalla, Prokuror i Përgjithshëm: Për rastin konkret ashtu si unë dhe mjaft qytetarë të tjerë që ndjekin informacionet mediatike, tashmë hetimi gjyqësor i kësaj cështje është bërë publik dhe njihet nga të gjithë. Më datë 30 gjykata ka caktuar ditën kur prokuroria do të japë konkluzionet e saj përfundimtare lidhur me këtë cështje me qëndrimin që do të mbajë ndaj akuzës. Qëndrimi im lidhur me këtë rast nisur nga fakti që unë kam ardhur ditët e fundit mbasi kishte përfunduar shqyrtimi gjyqësor i këtij rasti, ka qënë që të mos ndikojë në vendimmarrjen e prokurorëve që do të përfaqësojnë në këtë cështje. Njoh në thellësi mënyrën se si është hetuar, provat e marra gjatë hetimit, gjatë gjykimit, mbështes prokurorët që përfaqësojnë akuzën në gjykim të cilët do të vendosin në mënyrë të pavarur se si do kërkojnë, cfarë do kërkojnë, deklarimin fajtor lidhur me këtë rast.

Sokol Balla: Pra ju po thoni që keni zgjedhur mos përziheni por të mbështesni në parim punën e grupit hetimor?

Adriatik Llalla, Prokuror i Përgjithshëm: Po ky do të jetë qëndrimi që unë do të mbaj lidhur me këtë rast.

Sokol Balla: Megjithatë zoti Llalla deklarata e parë e ambasadës së Shteteve të Bashkuara pak minuta pas zgjedhjes suaj fliste për pritshmëri në zbardhjen e të gjithë të vërtetës për 21 janarin. Dhe u duk që referenca nuk ishte më shumë për vrasjet por edhe për anën tjetër, për hetimin për mënyrën se si u organizua u financua dhe sipas mazhorancës degjeneroi protesta e 21 janarit. Ju keni një koment me këtë deklaratë të Shteteve të Bashkuara?

Adriatik Llalla, Prokuror i Përgjithshëm: Pa diskutim ashtu sic edhe e përmendja unë do të vijoj të mbështes në mënyrë të plotë prokurorët që do të përfaqësojnë akuzën në gjykimin e kësaj cështje. Lidhur me pjesën tjetër të organizimit në këtë tubim të paligjshëm parlamenti shqiptar disa muaj më parë parashikoi që kjo vepër penale të amnistohej dhe kjo pjesë e kësaj vepre është amnistuar dhe është pushuar momentalisht.

Sokol Balla: Pra nuk do të rihapen hetimet për organizatorët e protestës?

Adriatik Llalla, Prokuror i Përgjithshëm: Nuk mund të rihapen për arsye se kjo vepër tashmë është amnistuar.

Sokol Balla: Megjithatë mazhoranca apo drejtuesit e saj kryesorë vazhdojnë ta quajnë këtë një përpjekje të dhunshme për rrëzimin e pushtetit. Jo më larg, në mos gaboj ditën e hënë kryeministri foli për gjetjën dhe zbulimin e fakteve të reja për organizatorët e puçit. Apo ai nuk ju referohet juve, por i referohet fakteve që mund të zbulojnë ata vetë?

Adriatik Llalla, Prokuror i Përgjithshëm: Nëse mund të serviren të dhëna të tjera të cilat mund të krijojnë dyshime se në rastin konkret ka elementë të tjerë të veprës penale prokuroria do shikojë vendimin e pushimit dhe do të gjykojë nëse do rifillojnë hetimet ose jo.

Sokol Balla: Po ju vetë si organ i hetimit?

Adriatik Llalla, Prokuror i Përgjithshëm: Momentalisht prokuroria nuk ka asnjë të dhënë të re të lidhur me këtë fakt.

Sokol Balla: Nëse do të ketë të dhëna të reja?

Adriatik Llalla, Prokuror i Përgjithshëm: Patjetër. Është detyra jonë që të rifillojmë hetimet?

Sokol Balla:  Këtu besoj jeni te tehu i thikës pasi ju siguroj që pritshmëritë e mazhorancës janë që kryeprokurori i ri dhe drejtuesit e rinj të prokurorisë të rihapin hetimet dhe të gjëjnë që sipas saj, fajtorët e pucit apo kësaj përpjekje të dhunshme për rrëzimin e pushtetit. Ndërkohë që pala tjetër ju paragjykon për të njëjtën gjë që ju të mbani anën e mazhorancës apo të gaboni sidomos tani para fushatës elektorale, ku mesa shoh 21 janari, do të jetë pjesë e fushatës.

Adriatik Llalla, Prokuror i Përgjithshëm: Ju siguroj se s’kemi për të bërë asnjë qokë. Kemi për të zbatuar në mënyrë korrekte ligjin. Nëse dikush do të servirë të dhënat e reja lidhur me këtë cështje do të bëhet verifikimi i tyre dhe do gjykohet nëse do të vendoset ose jo rifillimi i hetimeve për të parë nëse në rastin konkret ka elemente të ndonjë vepre tjetër penale apo jo. Vetëm me deklarata publike ne nuk mund të rifillojmë hetimet pa patur të dhëna konkrete lidhur me këtë rast. Cështja që përmenda është pushuar përsa i pëket organizimit dhe pjesëmarrjes në këtë tubim të paligjshëm dhe vazhdon gjykimi për pjesën tjetër ashtu sic thashë dhe në datën 30 prokuroria do të japë konkluzionet e saj përfundimtare lidhur me personat që akuzohen për këtë vepër penale.

Sokol Balla: Shtypi këto kohë është marrë shumë me procesin hetimor apo mënyrën se si po vepron prokuroria lidhur me këtë cështje aq më tepër që në 30 janar do jetë dita e pretencës. Unë do të doja t’ju pyesja nëse pritet, se mund të ketë rihapje hetimesh përsa i përket vrasjeve që ndodhën atë ditë.

Adriatik Llalla, Prokuror i Përgjithshëm: Për vrasjet që kanë ndodhur është një person i akuzuar që është  pandehur dhe ndaj tij pritet të jepen konkluzionet. Për pjesën tjetër sic është rasti i të ndjerit Nika vijojnë hetimet, që nuk mund të bëhen publike, por besojmë se mund të shkojnë drejt zbulimit të autorit se cili ka qenë autori që ka qëlluar mbi të ndjerin Nika. Institucioni i prokurorisë ka kryer hetime të plota në mjaft vende të ndryshme duke kryer ekspertime disa laboratorë më të mirë kriminalistikë përfshirë edhe laboratorët e FBI. Presim rezultatet e këtyre ekspertimeve për të gjykuar ose për të gjetur autorin e kësaj vepre penale.

Sokol Balla: Familjarët e tij bëjnë akuza të rënda zoti Llalla. Ata përvec faktit thonë se vrasja ka qenë një vrasje e etiketuar, nuk ka qenë rastësore. Jo thjeshtë është qëlluar një protestues, por është qëlluar ai person me emër dhe mbiemër në mënyrë të qëllimtë. Gjithashtu xhaxhai i tij, në një intervistë që pata radiofonike me të, ai fliste për deformim të qëllimshëm të provave. Sipas tij duhet të bëhet analiza ADN sepse sipas tij është manipuluar prova që në Turqi ku të dhënat kanë qenë kontradiktore e më pas edhe në Tiranë. E përfshin ky proces?

Adriatik Llalla, Prokuror i Përgjithshëm: Cdo dyshim që mund të kenë edhe të afërmit e të ndjerit mund të vijnë në institucionin e prokurorisë të japin të dhënat e tyrë për të parë nëse ato përputhen ose jo me rezultatet e hetimit. Cdo dyshim që ata do kenë do të shihen nëse përputhen apo jo nëse ato qëndrojnë.

Sokol Balla: Ju folët dhe thatë që mbështesni grupin hetimor të ngjarjeve të 21 janarit, po a mund të flitët për mbështetje kur në fakt dy prej drejtuesve apo pjesëtarëve të tij, në mos gaboj Sokol Malaj dhe Sokol Stojani dhanë dorëheqjen pas ardhjes tuaj në këtë institucion?

Adriatik Llalla, Prokuror i Përgjithshëm: Asnjë prej tyre nuk është pjesë e këtij grupi hetimor. Largimi i tyre nga pozicionet që ata mbanin është një gjë krejt normale. Me ardhjen e drejtuesit të ri në krye të institucionit dhënia e dorëheqjes është një akt qytetar. Mbetet në drejtimin e drejtuesit të ri për të vlerësuar nëse do të vijojë të punojë me këta bashkëpunëtorë ose jo në rastin konkret të dy këta prokurorë vijojnë të punojnë në pozicione të ndryshme të sistemit të prokurorisë, pra gjykova që këta dy prokurorë të zëvendësohëshin, në rastin e zotit Stojani drejtimi i drejtorisë së hetimit është marrë personalisht prej meje, ndërsa në prokurorinë e Tiranës është komanduar një prokuror tjetër.

Sokol Balla: Nuk mendoni se mund të ndikojnë në këtë?

Adriatik Llalla, Prokuror i Përgjithshëm: Ata nuk kanë më asnjë lloj ndikimi në këtë rast, as direkt as indirekt. Të gjitha provat që merren gjatë shqyrtimit gjyqësor, shqyrtohen vetëm ato prova që lidhen gjatë hetimit gjyqësor të cështjes. Gjatë shqyrtimit gjyqësor janë një grup tjetër prokurorësh që përfaqësojnë akuzën në emër të shtetit në gjykim.

Sokol Balla: Zoti Llalla megjithatë zëvendësimi edhe i dy zv/prokurorëve në mos gaboj i Marjeta Zajimit dhe Genc Qanos, dy zëvendësat e Tiranës pjesë e grupit hertimor, pak ditë para pretencës në proces, mund të ngrejë dyshimin se këta dy të rinjtë që do t’i zëvnedësojnë duke mos qenë ndjekës të afërt të cështjes mund të ndryshojnë pretencën nga ajo që pritej në thjeshtë në masa të barazvlefshme me paraburgimet e të arrestuarve. Dikush që mund të jetë skeptik mund të thotë që ata mund të jenë edhe në një ndikim më të madh apo presion qoftë nga drejtuesit e rinj qoftë edhe nga jashtë dhe mund të ndryshojë masa ndaj të pandehurve, pretencë?

Adriatik Llalla, Prokuror i Përgjithshëm: Këtu është një keqkuptim zoti Balla. në rastin konkret dy prokurorët që përmendet nuk janë përjashtuar nga përfaqësimi në gjykimin e kësaj cështje. Ata do të jenë pikërisht prokurorët që përfaqësojnë akuzën në gjykimin e këtij rasti. ata janë zëvendësuar në pozicionin që mbanin deri dje në pozicion zv.drejtues rrethi. Ky pozicion është normalisht një pozicion që është pjesë e grupit me të cilin prokurori i rrethit drejton, domethënë është pjesë e ekipit me të cilën ai drejton Prokurorinë e Tiranës. Normalisht një drejtues rrethi gjykon se me cfarë stafi ai do të punojë. Në rastin konkret ai do të punojë me prokurorët në mënyrën më të mirë të mundshme. Këta dy drejtues që përmendet janë në këto pozicione mbase prej 5 vjetësh ose edhe më shumë. Ligji parashikon që nga vetë Prokurori i Përgjithshëm parashikon një mandat të caktuar 5-vjecar, nuk ka se si në drejtimin e strukturave të tjera vartëse të vijojnë të jenë drejtues persona që punojnë në peridha të pakufizuara. Pra ne duhet të kijojmë mundësinë për të parë te persona të caktuar. Brenda trupës së prokurorëve ka prokurorë të tjerë me cilësi dhe aftësi që mund të sjellin risi në drejtimin e punës së institucionit. Kjo është një ndër risitë që unë synoj të sjell në punën e prokurorisë dhe besoj se do punoj që të sjell prokurorë që kanë aftësitë e duhura profesionale dhe organizative.

Sokol Balla: A keni realisht besim te aftësitë profesionale të grupit hetimor të 21 janarit, pasi ka patur në fakt shumë kontestime për mënyrën se si ata kanë operuar kryesisht nga ana e qeverisë?

Adriatik Llalla, Prokuror i Përgjithshëm: Është një cështje tashmë e përfunduar. Është në gjykim dhe përvec informacioneve më të rëndësishme nuk jam marrë për mënyrën se si është gjykuar dhe vepruar në këtë rast. Është një cështjë në gjykim dhe ka përfunduar edhe shqyrtimi gjyësor i këtij rasti. Ato besoj më tepër janë komente politike se sa komente profesionale.

Sokol Balla: Megjithatë e keni ndjekur edhe procesin. Aty ka patur një përplasje të fortë mes ekspertëve, në fakt këtu duket edhe pika delikate e atij procesi, ekspertët e prokurorisë që flasin jo për plumba rikoshetë, por direkt ndërsa ekspertët nga avokatët mbrojtës flasin për plumba rikoshetë. Ju e keni ndjekur këtë proces?

Adriatik Llalla, Prokuror i Përgjithshëm: Kjo është pikërisht ajo që do të ndodhë gjatë një debati gjyqësor, sjellja e provave në mënyrë që gjykata më pas të vendosë në bazë të provave që do të merren gjatë shqyrtimit gjyqësor.

Sokol Balla: Sa realisht ka besim kryeprokurori i Republikës te sistemi ynë gjyqësor?

Adriatik Llalla, Prokuror i Përgjithshëm: Unë kam rezervat e mia ndaj punës së sistemit gjyqësor, gjë të cilën besoj se do të ndryshojë në periudhën në vijim. Duke siguruar përsa i përket pjesës penale që prokuroria nuk do të dërgojë në gjykim cështje të cilat të dërgohen pa prova për t’i pushuar, për t’i dhënë mundësi gjykatës që të abuzojnë në cështjet që cohen për gjykim nga ana jonë. Njëherazi duke shqyrtuar dhe filluar hetimet për cdo rast kur krijohen dyshime se gjyqtarë të ndryshëm punonjës të sistemit gjyqësor abuzojnë me detyrën e tyre dhe japin vendime të padrejta për interesa personale materiale dhe të tjera. Në këto ditë të fillimit tim të detyrës kemi grumbulluar informacione, vijnë mjaft ankesa nga qytetarë të ndryshëm që kanë ofruar të dhëna konkrete mbi dyshimet që ata kanë për mënyrën se si është përfunduar një rast konkret, pasuria që mund të jetë dhënë në shkëmbim të një vendimi të padrejtë veprime të cilat në bashkëpunim edhe me inspektoriatin e lartë me drejtoritë e parandalimit të pastrimit të parave, besoj se do verifikojnë nëse denoncimet e këtyre qytetarëve janë të vërteta apo jo.

Sokol Balla: Pra ju thoni se në fokusin e punës së prokurorisë do të jenë edhe vetë gjykatësit apo jo?

Adriatik Llalla, Prokuror i Përgjithshëm: Pa diskutim.

Sokol Balla: Dhe kjo nisur thjeshtë nga lehtësirat ligjore që u dhanë pas heqjes së imunitetit…apo mjet presoni që mund të përdorë prokuroria për të kryer detyrën e saj?

Adriatik Llalla, Prokuror i Përgjithshëm: Ky është detyrim ligjor. Nga hetimi nuk duhet të ketë frikë askush. Ji besoj nuk keni frikë, ashtu si unë nuk kam frikë nga hetimi. Kam vijuar të jem i hapur ndaj cdo cështje lidhur me mua, pasurinë time veprimtarinë time. Ashtu asnje gjyqtar nuk duhet të ketë frikë lidhur me punën dhe veprimtarinë e tij. Me vendimmarrjen e tij me atë cka fshihet pas vendimmarrjes së tij

Sokol Balla: Nuk keni frike se mund të akuzoheni për një gjueti shtrigash?

Adriatik Llalla, Prokuror i Përgjithshëm: Nëse drejtësia do të funksionojë në mënyrën më të mirë, në mënyrën e duhur, në mënyrën më të mirë të mundshme besoj se edhe politika nuk mund të veprojë në këtë mënyrë në Shqipëri.

Sokol Balla: Cili është mendimi që ju keni për funksionimin e Prokurorisë së Krimeve të Rënda?

Adriatik Llalla, Prokuror i Përgjithshëm: Ajo prokurori ka patur rezultate të mira gjatë kësaj periudhe. Puna është vlerësuar pozitivisht si nga faktorët ndërkombëtarë që mbështetën krijimin e saj. Megjithatë në bindjen time në Shqipëri nuk është një situatë kaq ekstreme sa të kemi struktura të tilla për të ndërtuar prokurori apo gjykata të kësaj natyre.

Sokol Balla: Pra ju thoni se jeni në parim skeptik për ekzistencën e Prokurorisë së Krimeve të Rënda?

Adriatik Llalla, Prokuror i Përgjithshëm: Në bindjen time po.

Sokol Balla: Do ndërmerrni ndonjë veprim konkret në këtë drejtim?

Adriatik Llalla, Prokuror i Përgjithshëm: Nëse do gjëj dhe mbështetjen e aktorëve të tjerë që kanë ndikim në këtë vendimmarrje, besoj se po.

Sokol Balla: Në c’kuptim thoni se jeni kundër? Apo fakti që këtu ndonjëherë nuk ka pse ndahet krimi i rëndë tashmë krimi i rëndë i është zgjeruar gama e krimit të rëndë.

Adriatik Llalla, Prokuror i Përgjithshëm: Në Shqipëri nuk është ajo gjendje kriminaliteti që ne të krijojmë struktura të tilla të posacme. Nuk ka më ngjarje, 98 apo situata të tilla që ne të krijojmë prokurori apo gjykata speciale. Besoj se trendi në Shqipëri ësjtë se gjendja e sigurisë nuk është në atë shkallë që ne duhet të kemi struktura të tilla speciale.

Sokol Balla: Do bëni propozime konkrete në këtë drejtim?

Adriatik Llalla, Prokuror i Përgjithshëm: Nëse do gjej miratimin dhe mbështetjen e të gjitha hallkave besoj se do të jetë një ndër prioritetet e mia në punën time.

Sokol Balla: Përsa i përket situatës së rendit publik në vend muajt e fundit ka një rritje të situatës kriminale. Vjedhja, grabitja që shoqërohet me armë, ndonjëherë për fakt të keq edhe me viktima është krimi me numrim më të lartë që ndodh në këtë vend. Policia thuhet se ju referon një numër më të ulët se sa ndodh në realitet. Ndërkohë që arreston një numër fare të ulët edhe në këto raste thuhet se prokuroria kërkon dënime të ulta, edhe në rastet e përsëritura.

Adriatik Llalla, Prokuror i Përgjithshëm: Menjëherë mbas ardhjes sime në drejtimin e prokurorisë një ndër kërkesat e para që kam patur është pikërisht rritja e masës së dënimit krysisht për veprat penale duke filluar nga armëmbajtja apo vepra të tjera të vrasjes kryesisht për gjakmarrje, apo vepra me përhapje më të gjërë me synim që kjo të shërbëjë jo vetëm për ndëshkimin e autorëve, por edhe si mjet parandalues, për këtë fenomen në të ardhmen. Ne do të kërkojmë rritjen e masave ndëshkuese, kryesisht për armëmbajtjen, krimet kanosjet, vrasjet për gjakmarrje, krimet në familje, etj.

Sokol Balla: Te krimet në familje edhe për shkak të mentalitetit shqiptar, prokurorët duke sikur kërkojnë dënime jo aq sa opinioni kërkon për krime si vrasjet në familje sidomos ato që janë për shkaqe xhelozie. Në fakt ka dhe një rritje të numrit të vrasjes apo krimeve për këtë vepër penale. A do ketë reagim më të mirë të prokurorisë?

Adriatik Llalla, Prokuror i Përgjithshëm: Ashpërsimi i masës së dënimit do sjellë edhe parandalimin e këtij krimi në të ardhmen. Është gjykata më pas ajo që vendos.

Sokol Balla: Mendohet se korrupsioni si vepër penale të hetohet nga Krimet e Rënda por ju sapo e shprehet se nuk ka vënd më në Shqipëri që të hetohet nga krimet e rënda. Mendoni se deri më tani hetimi dhe gjykimi ka qënë cështje e emrave konkretë prokurorë, dhe gjyqtarëve që janë marrë me dosjet për dështimin e plotë të këtyre cështjeve?

Adriatik Llalla, Prokuror i Përgjithshëm: Besoj se ka nevojë për t’u analizuar për të parë rastin përkatës, nuk mund të jap opinione për këtë.

Sokol Balla: Ka një debat të fortë përsa i përket, organizimit të zgjedhjeve në Shqipëri, një debat që ka kushtëzuar një klimë të caktuar politike në Shqipëri sidomos pas zgjedhjeve të vitit 2009. Le ta themi krimet elektorale janë më të përfolurat në vend. Ato kanë tensionuar situatën në vitet e fundit, pasi dihet që demokracia nis te vota e lirë dhe rezultatet e zjedhjeve të fundit kanë treguar se rezultati është kaq i ngushtë sa që edhe këto pretendime për krime elektorale për vjedhjen e votave, por edhe për mosndëshikimn e autorëve të jenë të jenë të mëdha. Në fakt kemi parë shumë akuza, dhe shumë të arrestuar, por kemi parë pretenca të ulta dhe pak ose aspak të dënuar në këtë drejtim. Mendoni se dicka duhet ndryshuar në këtë drejtim?

Adriatik Llalla, Prokuror i Përgjithshëm: Unë do të synoj që cdo krim të hetohet në mënyrë të barabartë të njëjtë sic do krim tjetër qoftë edhe krimet elektorale. Të gjitha të hetohen në mënyrë të plotë edhe të gjithanshme përfshi edhe këtë lloj krimi dhe për to do të gjendet dikush fajtor do të kërkohet fajësia brenda kufijëve dhe limiteve që parashikon ligji.

Sokol Balla: Sa realisht ndodh vërtetë kjo zoti Llalla pasi unë kam parë përshembull, dy lloj qëndrimesh, një qëndrim të prokurorisë në Fier dhe prokurorisë në Shkodër totalisht ndryshe për cështjë që janë të njëjta. Sa do ta vini situatën nën kontroll në këtë drejtim?

Adriatik Llalla, Prokuror i Përgjithshëm: Për këtë ju siguroj ju dhe të gjithë ata që na ndjekin. Prokuroria do ketë të njëjtën mënyrë hetimi, politikë e praktikë dënimi.

Sokol Balla: Nga ato që kanë ndodhur në të shkuarën opinioni publik ka të drejtë të jetë skeptik, mjaft të kujtoj vitin 2009 në muajt para fushatës kur ndërkohë prokuroria kishte në dorë patate të nxehta dosje shumë të rëndësishme që normalisht nëse drejtësia do ishte bërë sic duhet edhe situata do ishte krejt tjetër. Për shkak të faktit që qëlloi, pati një mbivendosje të afateve hetimore me fushatën zgjedhore, prokuroria e përgjithshme u kompleksua me ose pa dashje, me ose pa qëllim la që këto procese hetimore të dështojnë. Sa realisht i druheni kësaj sindrome?

Adriatik Llalla, Prokuror i Përgjithshëm: Nuk shikoj ndonjë problem në këtë sindromë, detyrë e Prokurorit të Përgjithshëm, e Prokurisë së përgjithshme në përgjithësi, për raste të tilla që ju folët se në prokurori të ndryshme mbahet qëndrime të ndryshme. Është detyra jonë për të kërkuar praktika të njëjta të hetimit apo ndotjes së akuzës në raste të tilla. Është detyra e zyrës së Prokurorit të Përgjithshëm që të drejtojë.

Sokol Balla: Nuk do kemi argument. Të mbarojnë zgjedhjet njëherë.

Adriatik Llalla, Prokuror i Përgjithshëm: Absolutisht jo. Puna jonë nuk ka lidhje me zgjedhjet, detyrë e prokurorisë është të hetojë në mënyrë të paanshme në cdo kohë. Zgjedhjet kanë punën e tyre ashtu sic pas disa muajsh do krijohet një situatë tjetër. Pra ne nuk duhet të ndikohemi dhe nuk do ndikohemi nga situata zgjedhore dhe parazjedhore

Sokol Balla: Zoti Llalla në teori zgjedhjet janë zgjedhjet se rezultati është i paparashikuar. Konkurojnë dy kampe herë fiton një herë tjetër. Ju e përmendet në fillim të emisionit kandidatura juaj nuk ndeshi në kritika nga opozita. Ju falenderuat opozitën që de fakto votoi pro jush. Sa mendoni se do t’i rezistoni një rotacioni në Shqipëri?

Adriatik Llalla, Prokuror i Përgjithshëm: Nuk shikoj asnjë problem në këtë aspekt. Nëse unë do vijoj të përmbush detyrën time kjo nuk do jetë e lidhur me rotacionet politike. Unë kam bindje se do përmbush detyrën në mandatin e përcaktuar sipas kushtetutës dhe kjo nuk ka lidhje me rotacionin politik. Ju siguroj se nuk kam për t’u bërë pjesë e lojrave politike që ndodhin në vendin tonë.

Sokol Balla: Si paraardhësja juaj?

Adriatik Llalla, Prokuror i Përgjithshëm: S’ka lidhje me paraardhësen. E përmenda që unë nuk gjykoj veprimet e paraadhësve të mi. Unë do punoj për rivitalizimin e prokurorisë shqiptare.

Sokol Balla: Kur flisni kështu kini parasysh që opinioni publik fiton shpresë, megjithatë unë kam patur fatin që ta intervistoj zonjën Ina Rama kur ajo sapo ishte zgjedhur, edhe ajo siguroi me të njëjtin optimizëm si ju do t’i shkonte deri në fund cështjeve delikate. Megjithatë pashë dy gjëra shtimin e presionit politik ndaj Prokurorit të Përgjithshëm dhe zbythejn dalëngadalë të entuziazmit të Prokurorisë së Përgjithshme. Sa realisht ndikon personaliteti i individit?

Adriatik Llalla, Prokuror i Përgjithshëm: Unë vij nga drejtimi i një institucioni edhe më delikat se Prokuroria e Përgjithshme nisur nga përvoja profesionale besoj se kam aftësinë për ta drejtuar dhe kam bindjen se s’kam për të patur situate të tilla dhe kam për të përballuar situatë të tilla.

Top Channel