Nis edicioni i 10-të i TIFF
23/11/2012 23:34
Pusi natyral më i madh e më i thellë në botë gjendet në malin kinez Penxhi (fotot)
01/05 19:29
Ka nisur në Tiranë edicioni i 10-të i TIFF, i cili do të zgjasë deri më dy dhjetor.
Fituesit e kategorisë së filmit me metrazh të gjatë do të shpallen më 28 nëntor, ndërsa në dy dhjetor ata të filmit të shkurtër. Data 28 nëntor, që përkon me festën e Pavarësisë, do t’i dedikohet tërësisht shfaqjeve të filmave shqiptare.
Festivali u çel me dokumentarin “La nave dolce” të Daniele Vicari-t. Film, që ka fituar çmim në Festivalin e fundit të Venezia-s, i cili rrëfen kalvarin e rreth 20 mijë shqiptarëve, që u nisën në gusht të vitit 1991 me anijen “Vlora” drejt brigjeve të Italisë, në kërkim të një të ardhmeje më të mirë. Mes pjesëmarrësve në dokumentar, që dhanë dëshmitë e tyre mbi ngjarjen, ishin edhe balerini Kledi Kadiu dhe regjisori Robert Budina.
Të pranishëm në panelin hapës të Festivalit ishin edhe ambasadori italian, Massimo Gaiani, dhe pjesëtarë të Institutit Italian të Kulturës.
Top Channel
