10 jahtet më luksoze në botë
04/09/2012 00:00
Parashikimi i frikshëm i Baba Vangës pas rritjes së tensioneve në Lindjen e Mesme: Lufta e Tretë Botërore do të nisë në…. 18/04 14:08
Oligarkët rusë dhe sheikët arabë kanë njohur një rritje marramendëse të pasurisë së tyre në vitet e fundit. Rritja e pasurisë ka rritur mirëqënien e tyre dhe plotësimi i tekave qindra-milionë euroshe është bërë më i thjeshtë.
Ndër pasionet e miliarderëve janë edhe super-jahtet luksoze me porosi. Por kush janë 10 jahtet “monstër” në qarkullim? “Eclipse” i oligarkut rus, Roman Abramovich qëndron në vend të parë dhe pas tij vijnë me radhë jahtet luksoze të sheikëve arabë.
“Eclipse” është i gjatë 163 metra dhe mendohet se i ka kushtuar pronarit të Chelsea-t mbi 300 milion euro.
Në vendin e dytë renditet super-jahti “Al Said Larssen”, 155 metra i gjatë dhe në pronësi të sulltanit të Arabisë Saudite, Abdul Aziz.
Vendi i tretë, i katër dhe i pestë shkon për tre super-jahte të familjes së sheikut të Katarit Hamad Bin Jaber Al Thani, njëkohësisht kryeministër dhe Ministër i Jashtëm i vendit.
Në vendin e gjashtë renditet “Salamal”, 150 metra i gjatë, sërish në pronësi të sheikëve arabë.
Vendi i shtatë shkon për jahtin e familjes mbretërore saudite, “Prince Abdulaziz”, 147 metra i gjatë.
I teti radhitet “Rising Sun” në pronësi të Larry Ellison i “Oracle” e që ka kushtuar diku tek 200 milion euro.
Në vendin e nëntë radhitet një prodhim italian, “Serena di Fincantieri”. Ende në kërkim të një pronari.
Top 10 e super-jahteve mbyllet me “Abu Dhabi Swift”, 141 metra i gjatë dhe në pronësi të emirit arab.
E përbashkëta e këtyre jahteve: 9 prej tyre qarkulluan në Mesdhe gjatë pushimeve verore.
Top Channel
