Humb 127 kg brenda një viti

22/08/2012 12:50

Jarvez Hall, ish-lojtar i futbollit amerikan i Universitetit Oregon, ka arritur të humbë 127 kilogramë brenda një viti.

28-vjeçari peshon tashmë 120 kg nga 250 që peshonte para 12 muajsh. Kur nisi karrierën e tij sportive peshonte 136 kg. Kjo peshë sigurisht që nuk është normale, por për një lojtar futbolli amerikan nuk është shqetësuese.

“Kur nisa të shtoja gjithmonë e më shumë njerëzit më thonin se isha i gjatë dhe i fortë. Nuk e kisha aspak problem”, theksoi Hall në një program televiziv amerikan që merret me “shndërrimin” tërësor të tipave të tillë.

“Arrita gati 250 kg dhe e ndjeja vdekjen shumë pranë”, shton 28-vjeçari.

Falë një trajneri personal dhe stërvitjes specifike, tashmë Hall peshon “vetëm” 120 kg.

“Bota ime tashmë është shumë më ndryshe. I vlerësoj gjërat e vogla: mund të ulem pa problem në kinema ose në avion.”