Flamuri amerikan në Hënë edhe pas 40 viteve
30/07/2012 17:25
Tifozja kroate ‘shkund’ rrjetet sociale, foto provokuese nga Ibiza me bikini rozë
01/05 09:38
Kanë kaluar më shumë se 40 vite nga zbritja e njeriut të parë në Hënë, amerikanit Neil Armstrong dhe gjurmët e këtij misioni historik që “rindezi” luftën për pushtimin e hapësirë mes Shteteve të Bashkuara dhe ish-Bashkimit Sovjetik, mbeten ende atje.
Në imazhet e kapura nga sonda hapësinore e NASA-s, “Lunar Reconnaissance Orbiter” vërehen qartë imazhet e flamujve amerikanë të ngulur në Hënë gjatë misionit hapësinor Apollo në vitin 1969.
“Nga imazhet e marra duket qartë që flamujtë amerikanë ndodhen ende atje, në Hënë dhe vazhdojnë të bëjnë hije”, thotë shkencëtari i NASA-s, Mark Robinson.
Neil Armstrong ishte njeriu që hodhi hapat e parë në Hënë, e pas tij edhe ekuipazhi i Apollo-s, program hapësinor i ngritur posacërisht nga presidenti amerikan, Kennedy në vitin 1961 me misionin e zbritjes së një njeriu në Hënë dhe rikthimit të tij shëndoshë e mirë sërish në Tokë.
Top Channel
