Prej brezash, është mosha 21-vjeçare ajo e konsideruar si kufiri ndarës midis adoleshencës dhe rinisë.
Megjithatë, disa kërkues australianë e kundërshtuan këtë tabu, ndërsa zbuluan se tashmë është 30-vjetori ai që konsiderohet nga shumica e personave si ditëlindja që “ndryshon jetën”.
Studimi, i bërë me persona të ditëlindjes 1990 të lindur në dy lagje të ndryshme të Melburnit zbuloi se vetëm 38% e atyre që mbushnin 21 vjeç, e konsideronin vetën të pjekur në këtë moshë.
49% e kishin të pamundur të vendosnin, ndërsa 13% ishin të sigurt që nuk mund të konsideroheshin ende të rritur “kaq shpejt”.
Të pyetur për ditëlindjen që tregon se je plotësisht i rritur, të anketuarit nuk përzgjodhën 25-vjetorin, siç mund të pritej, por moshën 30-vjeçare.
Janet Taylor, një prej udhëheqësveve të studimit, vlerësoi se “ndërsa një pjesë e mirë e të rinjve duan të arrijnë pavarësinë dhe të quhen të rritur në moshën 21-vjeçare, pjesa më e madhe ende nuk ndihet e gatshme për të pranuar përgjegjësitë e rëndësishme në jetë”.
Këto të dhënat tregojnë se tashmë 21-vjetori, konsiderohet vetëm një ditëlindje e përshtatshme për të bërë një festë të madhe dhe për t’u dehur, por ajo nuk ka më asnjë domethënie të veçantë.
Top Channel