Reforma zgjedhore, PS dorëzon propozimet

Sipas antarëve socialistë në këtë komisionin propozimet e tyre reflektojnë shqetësimet e paraqitura nga ekspertët e ODIHR si dhe janë në sinkron me kodin e praktikava të mira për administrimin zgjedhor.

KQZ

Propozimi për KQZ është riformuluar me qëllin zgjerimin skemës së propozimin duke kënaqur më së miri rekomandimin e ODIHR për një formulë më të besueshme që mundëson zbatimin neutral të ligjit. Socialistët propozojnë, Anëtari i shtatë dhe njëkohësisht Kryetar i KQZ-së, zgjidhet  jo më vonë se 10 ditë pasi të ketë përfunduar procedura e zgjedhjes së anëtarëve të KQZ-së.  

Dhoma Kombëtare e Avokatëve, Avokati i Popullit, Kryetari i Gjykatës së Lartë, Këshilli i Lartë i Drejtësisë, dhe të paktën 4 organizata të shoqërisë civile që kanë përvojë më shumë se 5 vjet në fushën e zgjedhjeve,  i paraqesin kuvendit të paktën dy kandidatë.Kandidaturat e përzgjedhura i nënshtrohen seancës dëgjimore në Komisionin e Kuvendit që mbulon cështjet  ligjore dhe adminisratën publike.

Komisioni i propozon kuvendit për votim dy kandidatë të përzgjedhur në mënyrë kolegjiale dhe unanime pas konsultimit me të gjithë partitë parlamentare.Kryetar i KQZ-së zgjidhet kandidati që merr më shumë se gjysmën e votave të deputetëve të Kuvendit pas votimit të fshehtë.  

Gjithashtu socialistët propozojnë që dy nga anëtarët e zgjedhur të KQZ-s mbajnë detyrën për 3 vjet me të drejtë rizgjedhjeje. Anëtarët që u ndërpritet mandati përpëra kohe përcaktohen me short mes tre anëtarëve të propozuar nga shumica  parlamentare dhe tre anëtarëve të propozuar nga opozita parlamentare . Ndërsa  Kryetari i KQZ  ushtron këtë detyrë për  4 vjet me të drejtë rizgjedhjeje.

Numërimi  elektronik

Me qëllim verifikimin  dhe regjistrimin e  pjesmarjes së zgjedhësve në ditën e  votimit  socialistët propozojnë të ngrihet sistemi elektronik  i integruar  për verifikimin dhe regjistrimin e pjesmarjes së zgjedhësve në votim.

Zgjidhja teknike duhet të integrojë te gjithë elementët e nevojshëm, përfshirë  pajisjet,  programet, liçensat ose çertifikatat përkatëse, për të garantuar siguri dhe  thjeshtësi në perdorim. Paisja  që  përdoret në QV, funksionon  në mënyrë të pavarur  nga njësia qëndrore ,  duke lexuar përmbajtjen e dokumentit të identitetit elektronik.  Duke iu referuar rekomandimeve të ekspertëve të ODIHR, socialistët kanë ndërtuar dy propozime që lidhen me numërin elektronik të fletëve të votitimit.

KQZ përcakton planin e veprimit për përmbushjen e projektit të SEN në një numër të caktuar  të ZAZ-ve sipas përcaktimit me akt normativ të KQZ , që në cdo rast përbëjnë të paktën 10 përqind të numrit të zgjedhësve të vendit. KQZ përcanton planin e veprimit për përmbushjen e projektit të SEV në  të gjitha QV-të e njësive vendore me mbi 20 mijë zgjedhës.

Ankimimi

Socialistët me propozimet dërguar komisionit të rreformës zgjedhore thjeshtësojnë procesin e ankmimit pas procesit zgjedhor. Me kërkesë të dy anëtarëve të saj, KQZ-ja është e detyruar të marrë provat e kërkuara nga dy anëtarët që kanë paraqitur kërkesën.

Provat që kërkohen lidhen me faktin e pretenduar  për të cilën ka filluar shqyrtimi administrativ. Kërkesa mund të paraqitet me shkrim ose verbalisht në seancën publike të shqyrtimit të ankimit. Kërkesa nuk i nënshtrohet diskutimit apo votimit në KQZ,  e cila është e detyruar të procedojë menjëherë me marrjen dhe shqyrtimin e provave të kërkuara.

Top Channel