David Beckham është një ikonë mode dhe vazhdon të jetë pavarësisht se vitet kalojnë për të gjithë dhe anglezi është tashmë 37 vjeç. Revista ‘Elle’ e përzgjodhi ish-kapitenin e kombëtares angleze si mashkullin e parë që e nxjerr të vetëm në kopertinën e saj.
Futbollisti 37-vjeçar, i cili aktualisht luan për Los Angeles Galaxy, është shprehur shumë i lumtur dhe i nderuar nga kjo përzgjedhje.
Kryeredaktorja e revistës, Lorraine Candy, theksoi: “David Beckham është një hero kombëtar për anglezët. Është një ikonë mode dhe revista ‘Elle’ është e famshme për ikonat që ka “koleksionuar” në kopertinë. Është hera e parë për ne që ia dedikojmë krejtësisht kopertinën një personazhi mashkull.”
Revista ‘Elle’ me David Beckham në kopertinë do të dalë më 30 Maj.
Top Channel
