Erjoni: Vazhdoj lidhjen me të dashurën në Greqi
25/05/2012 00:00
Puthja e parë në mes të detit dhe surpriza në 5 të mëngjesit… Kledi Hysa flet për herë të parë për lidhjen dhe shtatzëninë e Evit 21/05 10:31
Erjoni, i larguari i fundit nga shtëpia e Big Brother të shtunën e kaluar, deklaroi në emisionin ‘Pasdite në Top Channel’ se do të vazhdojë lidhjen e tij me të dashurën në Greqi, me të cilën është takuar gjatë kësaj jave.
“Shkova në Greqi për të takuar të dashurën, e cila më priti në aeroport. Ishte një takim i ngrohtë dhe sqaruam shumë gjëra. Ishte e mërzitur dhe e prekur nga ato që kanë ndodhur gjatë kohës që nuk jemi takuar”, u shpreh Erjoni.
Sipas tij, vështirësitë e një lidhjeje në distancë sjellin edhe keqkuptime: “Ne kishim 2 muaj e gjysmë para se të fillonte Big Brother që nuk takoheshim. Ishte një lidhje në distancë që ka vështirësitë e veta. Ramë dakord që të vazhdojmë lidhjen, të përpiqemi ta mbajmë gjallë. Unë do të shkoj atje, ajo do të vijë këtu e më pas të shohim.”
Në lidhje me Klaudian, me të cilën Erjoni u puth në shtëpinë e Big Brother, nënvizoi: “Me Klaudian kam vetëm shoqëri dhe për të nuk diskutova shumë me të dashurën. Ajo ishte e mërzitur për këtë episod, por e kaloi.”
Vetë Klaudia, e ftuar në studion e ‘Pasdite në Top Channel’, deklaroi: “Mua më bëhet qejfi që më në fund Erjoni e sqaroi këtë çështje sepse në shtëpi ne nuk e dinim nëse ishte i ndarë apo jo. Erjoni ka jetën e tij dhe jam e kënaqur që ai ndihet mirë.”
Në përfundim Erjoni e cilësoi aventurën e Big Brother si “të paharrueshme e me shumë emocione”.
Top Channel
