Kërp apo kanabis?

Ndaj 110 fermerëve të Malësisë së Madhe që pretendojnë se kanë kultivuar kërp industrial rreth 6 vite më parë, është  ringritur akuza nga prokuroria  e kultivimit  të bimës narkotike.

52 nga këto fermerë janë dënuar nga gjykata nga 2 deri në 7 vite, ndërsa të enjte pritet që të jepet dhe dënimi për 58 fermerë të tjerë.

Ndërkohë avokati mbrojtës i fermerëve Mark Marku shprehet se është absurd të zhvillohet një proces i tillë kur për këtë cështjë ka dhënë një vendim të formës së prerë Gjykata e Lartë e cila e ka cilësuar si kërp industrial bimën e mbjellë.
 
Avokati mbrojtës sqaron se përqindja e hashashit në kërp është 0,1 perqind, ndërkohë që  konventa e BE e nënshkruar dhe nga Shqipëria e ka kufrin 0,2 përqind.

Kryetari i fermerëve të Komunës Shkrel, Martin Pllumbi është dënuar me 7 vite heqje lirie, ndërsa dënimet e fermerëve të tjerë varjojnë nga 1 deri në 7 vite burg.

Ndaj fermerëve prokuroria ka ngritur akuzat “Kultivimit dhe Shitjeve  të Narkotikëve”, “Prodhim dhe Shitje të Farërave Narkotike” si dhe “Mbajtje, prodhim dhe pajisje për kultivim e narkotikëve” duke i trajtuar jo si individë por tashmë si organizatë kriminale.

Top Channel