Itali, jo referendumit për kodin zgjedhor
13/01/2012 10:00
Edhe gripi i shpendëve është kinez/ Rreziku që kanoset, shkencëtarët: Kërkesa për mish mund ta nxjerrë jashtë kontrollit
05/05 13:27
Gjykata e Lartë në Itali hodhi poshtë kërkesën për një referendum mbi ligjin zgjedhor, i cili do të kthente mbrapsht ndryshimet e kryera nga qeveria e Berlusconit.
Gjykata nuk dha një shpjegim të menjëhershëm për refuzimin e saj, edhe pse nisma për të kthyer pas këto ndryshime kishte grumbulluar më shumë se dyfishin e firmave të nevojshme popullore për thirrjen e refendumit.
Gjykatësit kanë 20 ditë kohë për të shpjeguar se përse nuk po lejojnë referendumin mbi një ligj që është gjerësisht jopopullor.
Ndryshimi i bërë nga ish-Kryeministri Berlusconi ka hequr mundësinë që të votohet për emrin e kandidatit, duke i ofruar zgjedhësve vetëm mundësinë që të zgjedhin midis partive konkurrente.
Siç shkruajnë mediat italiane, të gjitha palët politike janë të gatshme të kryejnë ndryshimet e domosdoshme në këtë ligj, por nuk ka një konsensus mbi mënyrën se si mund të bëhet diçka e tillë.
Kryeministri Mario Monti, i cili drejton një qeveri teknike që pritet të drejtojë vendin deri në zgjedhjet e përgjithshme që do të mbahen në verë, deklaroi se nuk është detyrë e tij apo e kabinetit që ka formuar për t’u marrë me kodin zgjedhor të Italisë.
Top Channel
