Haiti, 2 vjet më parë tërmeti shkatërrues

Denoncimi është bërë nga organizata Mjekë pa Kufij, në prag të përvjetorit të dytë të tërmetit dramatik që goditi ishullin dhe që u kujton njerëzve se atëherë humbën një të afërm, një mik apo një fqinj.

Që prej atëherë shumë të mbijetuar vazhdojnë të vuajnë pasojat e efekteve fizike dhe psikologjike të katastrofës. Grumbujt e gërmadhave përgjatë rrugëve të Port au Prince tregojnë se si qytetit i kanë mbetur ende plagët.

Mjekë pa Kufij punonte në Haiti përpara katastrofës dhe atë ditë humbi 12 anëtarë të personelit të saj dhe dy spitale që menaxhonte u shembën.

Që prej atëherë, organizata ka mbështetur një spital të Ministrisë së Shëndetësisë në qytezën e barrakave Cite Soleil dhe ka ndërtuar katër spitale-urgjencë në zonat e prekura nga tërmeti, ku jetojnë rret 2 milionë persona.

“Do të duhet ende kohë për të rindërtuar sistemin shëndetësor haitian. Ndërkohë, ne po punojmë për të mbushur hapësirat e lëna bosh nga mungesa e trajtimeve mjekësore dhe për t’iu përgjigjur emergjencave të reja, sic është kolera”, ka deklaruar kreu i misionit të MpK, Gerard Bedock.

Organizata kujton gjithashtu se një epidemi e rëndë kolere ka goditur Haitin në tetor të vitit 2010, ku u regjistruan mbi 500 mijë raste në të gjithë vendin.

Top Channel