Indonezi, kthehet frika e tsunamit
10/01/2012 23:30
Situatë e rënduar në Gaza, OKB: Është më e shkatërruar se Ukraina, duhet investim i madh për pastrim të rrënojave 01/05 22:44
Autoritetet në Indonezi kanë lëshuar një paralajmërim për tsunami pasi një tërmet i fuqishëm goditi provincën e Aceh-së.
Tërmeti i magnitudës 7,3 ballë sipas shkallës Rihter e kishte epiqëndrën në 29 kilometra thellësi, duke tronditur brigjet perëndimore të Sumatrës.
Për momentin nuk ka informacione për dëme apo viktima në njerëz.
Tërmeti i madh i dhjetorit 2004 në Indonezi shkaktoi dallgën gjigande të tsunamit në oqeanin Indian që mori 230.000 jetë njerëzish.
Banorët e Banda Aceh-së, kryeqytetit të provinces dhe ata të qyteteve të tjera bregdetare janë turrur nëpër rrugë të tmerruar. Lëkundjet e tokës i kishin gjetur në gjumë.
Tërmeti goditi pak pas mesnatës me orën lokale. Vetë pozicioni i saj gjeografik e bën Indonezinë një vend të prirur për trazira sizmike, duke qenë se ndodhet në të ashtuquajturën “unazë e zjarrit “ në paqësor, një prej rajoneve me aktivitetin më të lartë sizmik të globit.
Top Channel
