Meksika bllokon hyrjen e Saadi Gaddafit
07/12/2011 16:30
“Hakerët shtetërorë rusë kanë sulmuar Gjermaninë”, ministrja e jashtme paralajmëron kundërpërgjigje: Nuk do të mbetet pa pasoja 03/05 10:50
Autoritetet meksikane lajmëruan të mërkurën se bllokuan në kohë tentativën e një organizate kriminale për të futur në vend njërin prej djemve të Muammar Gaddafit.
Saadi Gaddafi, djali i tretë i kolonelit që udhëhoqi Libinë për 42 vite deri në vrasjen e tij në tetor, ndodhet nën arrest shtëpie në shtetin afrikan të Nigerit, ku ka gjetur strehim prej tre muajsh.
Një zëdhënës i autoriteteve meksikane informoi se Saadi dhe antarë të tjerë të familjes u ndaluan si rezultat i raportimeve të shërbimeve të inteligjencës. Disa bashkëpunëtorë mesikanë, të cilët po përpiqeshin të mundësonin lëvizjen, janë arrestuar.
”Zhvendosja e tij në Meksikë ishte pjesë e një plani të detajuar ndërkombëtar të një organizate kriminale”, shtoi zëdhënësi, pa zbuluar të dhëna më të hollësishme.
Top Channel
