FMN, dorëhiqet drejtori për Evropën
17/11/2011 09:05
Lëvizje në “frontin e lindjes”, Hamasi: Po shqyrtojmë propozimin e Izraelit për armëpushim 27/04 13:30
Kreu i Fondit Monetar Ndërkombëtar për Evropën, Antonio Borges ka dhënë dorëheqjen në një moment kritik, kur të gjithë po përpiqen të frenojnë krizën e borxhit që ka përfshirë kontinentin.
Borges deklaroi se arsyet personale e detyruan atë të merrte vendimin e papritur për t’u tërhequr nga posti prestigjoz. Ai ka qenë drejtor për Evropën për një vit.
Më herët gjatë vitit, zoti Borges u detyrua të tërhiqte komentet e tij që sugjeronin që Fondi duhet të ndihmojë Italinë dhe Spanjën duke blerë borxhet e tyre.
“Përgjigjia e tij ndaj krizës së eurozonës ishte kontroverse dhe për disa destabilizuese”, thotë korrespondenti i BBC në Uashington, Steve Kingston, i cili shton se dorëheqja nuk ishte një e papritur.
FMN është pjesë e trojkës së organizatave ndërkombëtare që mbikëqyrin ndihmat për Greqinë, Portugalinë dhe Republikën e Irlandës, ndërsa dy pjesëtarët e tjerë janë Komisioni Evropian dhe Banka Qendrore Evropiane.
Së fundmi FMN-së i është dhënë edhe detyra për të mbikëqyrur reformat ekonomike nga Italia, e cila që prej ditës së djeshme është bërë me qeveri të re.
Drejtoresha e përgjithshme e FMN-së, Christine Lagarde do të përpiqet të caktojë Reza Moghadam, drejtore e politikave strategjike të Fondit, si pasardhëse të zotit Borges.
Top Channel
