Moskë, vritet shkrimtari dhe aktivisti çeçen
16/11/2011 16:00
Katari bën thirrje për “veprim urgjent ndërkombëtar” për të parandaluar sulmin izraelit në Rafah 08/05 22:45
Një shkrimtar dhe një aktivist i njohur çeçen, Ruslan Akhtakhanov, u gjet i vrarë të mërkurën në Moskë.
Sipas policisë, të gjitha shenjat të çojnë drejt pistës së një atentati, të kryer nga një vrarës profesionist. 58-vjeçari u qëllua nga një njeri i paidentifikuar ndërsa po dilte nga automjeti i tij, pranë derës së shtëpisë.
Ndonëse nuk mbështeste lëvizjet separatiste në krahinën e trazuar ruse, Akhtakhanov kishte bashkuar zërin me ata që kërkonin më shumë të drejta dhe liri për popullin e tij.
”Një njeri i paidentifikuar qëlloi ndaj Akhtakhanovit dy herë, fillimisht në këmbë për ta gjunjëzuar dhe më pas në kokë, duke përdorur një pistoletë të pajisur me silenciator”, informoi policia. Arma e krimit u gjet më pas e hedhur në vendngjarje, pa shenja gishtërinjsh.
Shkrimtari kishte fituar një çmim të rëndësishëm gazetaresk në vitin 2009, për librin “Jam krenar për Çeçeninë, e cila i dha heronj botës”.
Top Channel
