Përmbytjet që kanë goditur Vietnamin, më të mëdhatë e 10 viteve të fundit, kanë shkaktuar deri më tani 100 viktima.
Ky bilanc u rëndua pasi shkoi në 17 numri i të vdekurve në provincën Quang Nam, ku shumë fshatra janë bllokuar për shkak të rrëshqitjeve të dheut dhe rreth 25 mijë persona kanë braktisur shtëpitë e tyre.
Përmbytjet kanë prekur më shumë qendrën dhe jugun e vendit.
Mbi 700 është numri i viktimave në Azinë Jug-Lindore shkaktuar nga disa përmbytje që kanë përfshirë Tajlandën, Kamboxhian, Vietnamin, Laosin dhe Filipinet.
Vendi më i prekur mbetet Tajlanda me 315 viktima të regjistruara nga përmbytjet që nga muaji korrik. Shirat kanë prekur miliona të tjerë duke i lënë të pastrehë e duke shkaktuar disa kriza humanitare.
Ndërkohë, në Kamboxhia autoritetet thonë se numri i viktimave shkon ne 247 që nga nisja e sezonit të shirave të rrëmbyeshëm.
Top Channel
