Manchester United kërkon që Cristiano Ronaldo të veshë fanellën e “Red Devils” edhe një herë tjetër.
Sipas ‘The Sun’, klubi anglez po përgatit një ndeshje homazh për 10 vitet në ekip të mbrojtësit Rio Ferdinand dhe po mundohet që sulmuesi portugez i Real Madrid të jetë i pranishëm në këtë takim miqësor. Cristiano Ronaldo ka luajtur për Manchester United në periudhën 2003-2009.
Gjithsesi, lojtari nuk është kontaktuar ende sepse klubi duhet të vendosë më parë se si do ta organizojë këtë ndeshje dhe kjo gjë do të bëhet pas Euro 2012 dhe Lojërave Olimpike të Londrës.
Sipas gazetës spanjolle AS, Cristiano do të ishte i lumtur të merrte pjesë në aktet celebrative për ish-shokun e tij të ekipit, por nuk do të ishte i gatshëm të vishte fanellën e Manchester në shenjë respekti për klubin madrilen dhe tifozët e tij.
Top Channel
