SHBA-Korea Veriut, marrëveshje për trupat e rënë
22/10/2011 10:20
Analiza e DW: Armët perëndimore kundër objektivave në Rusi? 07/05 10:21
Shtetet e Bashkuara të Amerikës arritën një marrëveshje me Korenë e Veriut, për të rinisur kërkimet për trupat amerikane, të vrarë gjatë betejës 6-vjeçare të luftës së Koresë, midis viteve 1950-53.
Në bazë të marrëveshjes, ekspertë amerikanë do të mbërrijnë në vendin komunist në 2012-n, për të kërkuar në atë që dikur ishte një fushëbetejë e ashpër luftimesh, në veri të kryeqytetit Penian.
Sipas ekspertëve, misioni mund të shërbejë edhe për një rikthim të bisedimeve midis dy shteteve, që kanë patur historikisht një konflikt të hapur, i përkeqësuar në vitet e fundit nga ambiciet bërthamorë të Koresë së Veriut.
Megjithatë, Uashingtoni zyrtar këmbëngul se dërgimi i një misioni për gjetjen e trupave të rënë në vendin komunist është një çështje “vetëm humanitare”, e shkëputur nga problemet e tjera midis të dy vendeve.
Midis viteve 1996-2005, në operacionet e kërkimit u bë e mundur gjetja dhe identifikimi i më shumë se 200 trupave të ushtarëve amerikanë, të deklaruar të humbur që prej konfliktit që pati si pasojë ndarjen e Koresë në dy shtete të ndryshme.
Shtetet e Bashkuara humbën pothuajse 37 mijë trupa në luftë në të cilën u përfshinë për të mbështetur forcat demokratike. Trupat e rreth 8 mijë ushtarëve nuk u rikuperuan kurrë.
Top Channel
