Somali, vritet pengu francez
19/10/2011 18:35
Forcat izraelite bombardojnë Libanin, raportohet për dhjetëra të vdekur e të plagosur 24/11 22:56
Një shtetase franceze e rrëmbyer muajin e kaluar në Kenia dhe e mbajtur peng në Somali është vrarë nga pengmarrësit e saj.
Lajmin e ka bërë të ditur Ministria e Jashtme në Paris, sipas të cilës informacioni ka ardhur nga ndërmjetësit e përfshirë në negociatat me rrëmbyesit.
“Marie Dedieu ishte në gjendje të rëndë shëndetësore dhe fakti që rrëmbyesit refuzuan t’i jepnin ilacet që kishim dërguar na bën të mendojmë se skenari tragjik është real”, thuhet në një deklaratë për shtyp.
Didieu kishte nevojë për ilace cdo ditë dhe nuk ishte në gjendje të lëvizte vetëm, duke mos pasur më karriken me rrota.
Ajo u sulmua teksa ndodhej në një shtëpi njëkatëshe me cati kashte në Ras Kitau të Kenias. Disa dëshmitarë treguan se dëgjuan të shtëna armësh zjarri para se gruaja të largohej me forcë me një motoskaf.
Rrëmbimi i saj ndodhi tre javë pasi një cift britanik ishte sulmuar në mënyrë të ngjashme në veri të vendit, në Kiuaju.
Top Channel
