Kobe Bryant, 10 ndeshje me Virtus Bologna
30/09/2011 12:40
Maratona e Tiranës rikthehet me edicionin e tetë më 20 tetor, çmimet për 4.000 garues 28/09 12:49
Ylli i NBA, Kobe Bryant, do të luajë me ekipin italian të Virtus Bologna.
Sipas presidentit të klubit italian të basketbollit, Claudio Sabatini, “është arritur marrëveshja ekonomike dhe kanë mbetur për tu sqaruar vetëm disa detaje”.
Marrëveshja parashikon që basketbollisti i Los Angeles Lakers të luajë 10 ndeshje në kampionatin italian të basketbollit, duke filluar që nga data 9 tetor.
33-vjeçari do të transferohet në Itali për shkak të grevës së basketbollistëve amerikanë që ka bllokuar fillimin e sezonit në NBA.
Bologna do t’i ofrojë 3 milionë euro (4.1 milionë dollarë) Kobe Bryant për këto ndeshje.
“Nuk mund ta mbajmë më shumë se 10 ndeshje. Kjo ishte një sforco e madhe ekonomike për ne”, u shpreh Sabatini.
Top Channel
