Christian Horner po kalon një nga momentet më të mira të karrierës së tij profesionale. Shefi i skuderisë Red Bull po bëhet gati për të festuar titullin e dytë radhazi kampion të pilotit të tij, Sebastian Vettel, në një vit ku të dy makinat austriake po dominojnë këtë kampionat.
“Demi po paraqitet më mirë se kali”, u shpreh Horner duke iu referuar skuderisë italiane Ferrari.
Më pas, në deklaratat për formula1.com, Horner lavdëroi Vettel: “Është e pabesueshme se si Vettel i përballon kritikat. Të gjithë ata që thonë se ai nuk është një pilot kushedi se çfarë ose janë të verbër ose mbyllin sytë. Jemi krenarë që e kemi në ekip dhe shpresojmë që të qëndrojë me ne sa më gjatë në mënyrë që të festojmë sa më shumë tituj.”
Gjithashtu, Horner vlerësoi edhe pilotin tjetër të Red Bull, australianin Mark Webber.
“Webber mund të mundë këdo, përjashto Vettel. Nuk duhet nënvlerësuar. Webber gjendet në të njëjtën skuderi me një kampion të madh si Vettel dhe njerëzit bëjnë gabim kur krahasojnë këta dy pilotë”, shtoi Horner.
Top Channel
